Ǵalymdar zertteý barysynda ımmýn júıesinde «T-regýlıatorlyq jasýshalar» dep atalatyn erekshe toptyń bar ekenin anyqtady. Bul jasýshalar aǵzanyń óz jasýshalary men bóten vırýstardy ajyratyp, qate shabýyldyń aldyn alady. Eger osy tetik buzylsa, ımmýndyq júıe óz tinderine qarsy turyp, qant dıabeti, artrıt nemese ishek aýrýlary sııaqty aýtoımmýndy dertterge ákeledi.
«Ǵalymdar ashqan bul jańalyq ımmmýndyq júıeniń qalaı jumys isteıtinin jáne de aýtoımmýndyq aýrýǵa nelikten barlyǵy birdeı shaldyqpaıtynyn túsinýde mańyzdy ról atqardy», dedi Nobel komıtetiniń tóraǵasy Olle Kempe.
Merı Brankoý men Fred Ramsdell FoxP3 geniniń osyndaı jasýshalardyń qalyptasýynda sheshýshi ról atqaratynyn dáleldedi. Al Sımoon Sakagagýchı bul qubylysty tájirıbe júzinde naqtylap, ımmýndyq júıeniń tepe-teńdigin saqtaýdaǵy mańyzyn kórsetti.
Búginde bul jańalyq aýtoımmýndy aýrýlardy emdeýde jáne aǵzaǵa jańa organ qondyrǵanda ımmýndyq júıeniń qarsylyǵyn tómendetýde keń qoldanylýy múmkin. Sarapshylar bul baǵyt medısınanyń bolashaǵyn túbegeıli ózgertedi dep baǵalap otyr.
Bekzat MYŃAIDAR
