Mamandandyrylǵan dárigerler toby Jaıpaq, Dostyq jáne Beskól stansııalarynda qabyldaý júrgizip, turǵyndarǵa medısınalyq kómek kórsetti.
Sapar barysynda turǵyndarǵa profılaktıkalyq tekserýler, beıindi mamandardyń keńesteri, bastapqy dıagnostıka jáne alǵashqy medısınalyq kómek kórsetildi.
Poıyz jumysy barysynda jalpy 2 855 adam, onyń ishinde 1 241 bala tekserýden ótti.
Halyqqa terapevt, pedıatr, oftalmolog, kardıolog, mammolog jáne basqa da mamandar qyzmet kórsetti. Qajet bolǵan jaǵdaıda pasıentterge qosymsha tekserýler men emdelýge joldamalar berildi.
Jospar boıynsha bıyl poıyz barlyǵy 123 stansııaǵa baryp, 90 myńǵa jýyq qazaqstandyqqa kómek kórsetedi. Poıyzdyń marshrýty tolyqqandy medısınalyq ınfraqurylymy joq eldiń óńirlerin qamtıdy.
Jobany Samruk-Kazyna Trust korporatıvtik qory Densaýlyq saqtaý mınıstrliginiń, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen «Samuryq-Qazyna» kompanııalar tobynyń atynan iske asyrýda.
Medpoıyzdyń ózekti qozǵalys kestesi: www.medpoezd.kz saıtynda jarııalanyp otyrady
