Foto: Aqorda
Qasym-Jomart Toqaev 2021 jyly Shveısarııaǵa jasaǵan resmı sapary eki el arasyndaǵy seriktestikti nyǵaıtýǵa berik negiz qalaǵanyna nazar aýdardy.
Memleket basshysynyń aıtýynsha, shveısarııalyq depýtattar delegasııasynyń elimizge kelýi jan-jaqty yqpaldastyqty odan ári damytýǵa qos taraptyń da nıetti ekenin kórsetedi.
Bul rette ózara túsinistikti nyǵaıtyp, ekijaqty yntymaqtastyqty jandandyrýda parlamenttik dıplomatııanyń mańyzdy ról atqaratynyna mán berildi.
«Shveısarııa – Qazaqstan» parlamenttik dostyq tobynyń úılestirýshisi Fılıppo Lombardı qonaqjaılyq tanytqany úshin Memleket basshysyna alǵys aıtyp, Shveısarııanyń seriktestik baılanystardy keńeıtýge jáne birlesken bastamalardy júzege asyrýǵa múddeli ekenin jetkizdi.
Kezdesýde Astana men Bern arasyndaǵy saýda-ınvestısııalyq yntymaqtastyq perspektıvasy, sondaı-aq halyqaralyq uıymdar aıasyndaǵy is-áreketterdi ózara úılestirý máseleleri talqylandy.
