Bastama halyqaralyq Túrki akademııasynda talqylandy

Elbasy N.Nazarbaev Túrkııanyń Bodrým qalasynda 2014 jylǵy 5 maýsymda ótken Túrki keńesiniń IV sammıtinde túrki áleminiń ortaq aqparattyq keńistigin qalyptastyrý jáne ortaq telearna qurý jóninde bastama kótergen bolatyn. Bul usynys taraptardyń qoldaýyna ıe bolyp, qazir keń talqylaýdyń taqyrybyna aınaldy. Osyǵan oraı halyqaralyq Túrki akademııasy jýrnalısterdiń kásibı merekesi – Baılanys jáne aqparat qyzmetkerleriniń kúni qarsańynda Beıbitshilik jáne kelisim saraıynda «Túrki álemi jáne aqparattyq keńistik» atty dóńgelek ústel ótkizdi.  Alqaly jıynǵa Qazaqstandaǵy jetekshi buqaralyq aqparat qu­ral­darynyń basshylary, joǵary oqý oryndarynyń oqytýshylary men jýrnalıster qaýymy qatysyp, oı bólisip, paıymdy pikirlerin ortaǵa saldy. Aıta ketý kerek, bıyl Astanada ótetin Túrki keńesin qurýshy el­der­diń sammıtinde atalǵan másele qaras­tyrylady dep kútilýde. Osyǵan oraı dóńgelek ústelde aıtylǵan usynys, pikirlerdi halyqaralyq Túrki akademııasy jınaqtap, Túrki keńesiniń nazaryna usynbaq. Túbi bir týys halyqtardyń má­denı-rýhanı ıntegrasııasy máse­le­lerine arnalǵan basqosý barysynda túrki áleminiń aqparat keńistigine eńbegi sińgen birqatar buqaralyq aqparat quraldarynyń basshylary marapattaldy. Atap aıtsaq, Túrki dúnıesiniń bilim, ǵylym salasyndaǵy jetistikterin nasıhattaýǵa jáne túbi bir týys halyqtar arasyndaǵy yntymaqtastyqty damytýǵa qosqan zor úlesteri úshin «Úzdik baspasóz jarııalanymy» atalymy boıynsha «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, «Úzdik teleradıo materıaldary» atalymy boıynsha «Qazaqstan» RTRK» AQ basqarma tór­aıy­my Nurjan Muhamedjanova, «Úz­dik aqparat agenttigi materıaldary» atalymy boıynsha «Qazkontent» AQ basqarma tóraǵasy Aıdos Qydyrma halyqaralyq Túrki akademııasynyń Alǵys hatymen, sondaı-aq, Túrki dúnıesiniń bilim men ǵylym salasyna jáne túbi bir týys halyqtar arasyndaǵy mádenı-rýhanı baılanystardy nyǵaıtýǵa  qosqan ólsheýsiz úlesi úshin Namazaly Omashev Qurmet gramotasymen marapattaldy. Sonymen birge, halyqaralyq Túrki akademııasynyń prezıdenti Darhan Qydyráli  marapattalǵandardyń barlyǵyna akademııaǵa músheligin bildiretin tósbelgilerdi tabystady. Sonymen qatar, halyqaralyq Túr­ki akademııasy BAQ salasy boıyn­sha arnaıy syılyq jarııalaıty­nyn jetkizdi. Jyl saıyn 8 qyr­kúıekte – halyqaralyq Jýrna­lıster yntymaqtastyǵy kúnine ta­bys etiletin bul syılyq túrki ha­lyq­tarynyń bilim jáne ǵylym sa­la­syndaǵy jetistikterin nasıhattaýǵa, sondaı-aq, tarıhı tamyrlas elder arasyndaǵy yntymaqtastyqty arttyrýǵa erekshe úles qosyp júrgen BAQ ókilderine beriledi. Oǵan Qazaqstannan bólek túrkitildes memleketterdiń jýrnalısteri de úmitker retinde qatysa alady. Berik SADYR, «Egemen Qazaqstan».