Foto: gov.kz
Bul týraly Eýropa jáne Ortalyq Azııa elderi boıynsha IýNISEF-tiń balalardy qorǵaý máseleleri jónindegi óńirlik keńesshisi Aaron Grınberg uıymnyń ár bes jyl saıyn ótkizetin halyqaralyq «MICS» zertteýiniń nátıjelerin jarııalaý barysynda habarlady.
Elimizde ata-analar tarapynan balalardy tárbıeleý kezinde kúsh qoldaný, sonyń ishinde fızıkalyq jazalaý men psıhologııalyq agressııa deńgeıi 53%-dan 38%-ǵa tómendegen.
Bala quqyqtary jónindegi ýákil Dınara Zakıeva Býharestte ótip jatqan balalarǵa qarsy zorlyq-zombylyqty joıý jónindegi halyqaralyq konferensııada Prezıdent Qasym-Jomart Toqaevtyń balalar qaýipsizdigin qamtamasyz etý baǵytyndaǵy reformalary men bastamalaryn tanystyrdy.
Sonymen qatar, ol balalar quqyqtaryn qamtamasyz etýge baǵyttalǵan «Qazaqstan balalary» baǵdarlamasy aıasynda atqarylatyn aldaǵy jumystardyń josparyn usyndy.
Buǵan deıin Qazaqstanǵa IýNISEF-tiń Eýropa jáne Ortalyq Azııa boıynsha óńirlik dırektory Redjına de Domınıchıs kelip, Memlekettik keńesshi Erlan Qarınmen kezdesý barysynda elimizde qabyldanǵan zańnamalyq jáne ınstıtýsıonaldyq ózgeristerdi joǵary baǵalaǵan. Sondaı-aq, Qazaqstannyń tájirıbesin halyqaralyq deńgeıde kórsetý mańyzdy ekenin atap ótip, ásirese mektepterdegi QR-111 júıesi balalarmen tikeleı baılanys ornatýǵa múmkindik beretinin atap óken.
