Partııalarǵa jaýapkershilik júkteledi

Ashyǵyn aıtý kerek, qoǵam birmandatty okrýgterden saılanǵan depýtattardan zor úmit kútken edi. Biraq bul senim tolyq aqtaldy deýge kelmeıdi. Iá, Parlamentke elge tanymal tulǵalar ótti. Alaıda olarda myqty uıymdyq qol­daý men ınstıtýsıonaldyq áleýet bolmaǵandyqtan, qoǵam kútken nátıje­lerdi tolyq kórsete almady.

Depýtattardyń qyzmetine júr­gizil­gen qarapaıym kontenttik taldaý partııalyq tizimmen saılan­ǵan ókilder­diń jumysy ana­ǵur­lym tıimdi ekenin ańǵartady. Son­dyqtan qoǵamǵa ulttyq saıası par­tııalardyń ınstıtýsıonaldyq artyq­shylyǵyn túsindirý mańyzdy. О́ıt­keni eldi biriktirý men qoǵamdy toptastyrý sııaqty aýqymdy mindetterdi oryndaý – dál osy partııalardyń mindeti. Bireýge unar, bireýge unamas, biraq ázirge bul baǵytqa balama usynylmaǵany anyq.

Aıtylyp otyrǵan másele – bir júıeni ekinshisimen túbegeıli aýys­tyrý emes, damý úlgilerin jetil­dirý týraly. Eger elde jalpyult­tyq ınstıtýttar qalyptaspasa, olardyń ornyn beıresmı, tipti konstıtýsııaǵa qaıshy qurylym­dar basýy múmkin. Mundaı jaǵdaıda arhaıkalyq, júıesiz ári memleket­tiliktiń negizine qaýip tóndiretin qubylystardyń paıda bolý qaýpi joǵary. Bul – memleket pen qoǵam úshin mańyzdy syn-qater.

Mysal retinde keshe ǵana ótken Semeı qalasynyń alǵashqy tarıhı saılaýyn aıtýǵa bolady. Osy tájirıbe kórsetkendeı, elimiz endi turaqty túrde saılaý ótkizip otyratyn memleketke aınaldy. Bul – demokratııalyq úderis­tiń jańa kezeńi. Endigi jerde saıası par­tııalar óz kandıdattaryna qold­aý bildirý úshin jergilikti plat­for­­ma qalyptastyryp, úgit­shi­ler men baqylaýshylar, saı­­laý komıs­sııalarynyń mú­she­­leri, zańgerler, spıch­ra­ıterler, saıasat­tanýshylar men áleýmet­tanýshy­lardan quralǵan kásibı komandalar qurýǵa tıis.

Mysaly, Semeı qalasynyń ózinde ǵana árbir partııada keminde 300–400 belsendi jaqtaýshysy, bilikti mamandary jáne turaqty qarjylandyrýy bolýy qajet. Mundaı áleýetti birman­datty kandıdattar qamtamasyz ete ala ma? Kúmánim bar. Al endi osyny eldik aýqymda elestetip kóreıikshi.

Sondyqtan demokratııany damytý, saıası básekelestikti kúsheıtý, ult­tyq deńgeıde jańa ıdeıalar qalyp­tas­tyrý isi – eń aldymen jalpyulttyq saıası partııalardyń negizgi mindeti bolýǵa tıis.

Aıdos SARYM,

Májilis depýtaty