Foto: istockphoto.com
Oblystyq polısııa departamentiniń habarlaýynsha, oqıǵa 13 qazanǵa qaraǵan túni, shamamen saǵat 00:30-da bolǵan. «VAZ» jáne «Hyundai Grandeur» markaly eki kólik soqtyǵysqan.
«Aldyn ala anyqtalǵandaı, «VAZ» avtokóliginiń júrgizýshisi qosalqy joldan negizgi jolǵa shyqqan kezde basty jolmen kele jatqan kólikke jol bermegen. Jol apatynyń saldarynan «VAZ» avtokóliginiń júrgizýshisi men jolaýshysy alǵan jaraqattarynan oqıǵa ornynda kóz jumdy. Ekinshi kólik júrgizýshisi túrli jaraqattarmen aýdandyq aýrýhanaǵa jetkizildi», delingen habarlamada.
Qarasaı aýdandyq polısııasy bul fakti boıynsha qylmystyq is qozǵaǵanyn habarlady.
