Kún energııasymen jylytý júıesi – kún panelderi men bý-tamshyly batareıalardy biriktiretin zamanaýı ári tıimdi qurylǵy. Ol turǵyn úıler men áleýmettik, óndiristik nysandardy –10-nan +95 °C-qa deıingi temperatýrada jylytyp, jaıly mıkroklımat qalyptastyrýǵa múmkindik beredi.
Mundaı qondyrǵylar búginde Atyraý jáne Almaty oblystarynda tabysty qoldanysqa engizilip, óz tıimdiligin dáleldep otyr.
Júıeniń basty ereksheligi – únemdiligi, energııa kózderinen táýelsizdigi jáne qorshaǵan ortaǵa zııan keltirmeıtin ekologııalyq tazalyǵy. Kún energııasyn paıdalaný jylý shyǵyndaryn 70% deıin qysqartýǵa múmkindik beredi.
Sonymen qatar, júıe kúrdeli kútimdi qajet etpeıdi, 30 jyldan astam qyzmet ete alady. Kómir men gaz jaǵýdy qajet etpegendikten, tabıǵatqa túsetin júktemeni aıtarlyqtaı azaıtady.
Osyndaı ozyq tehnologııalardy engizý – óńirdiń ekologııalyq turaqtylyǵyn saqtap, energııa resýrstaryn únemdeýge baǵyttalǵan mańyzdy ári bolashaqqa baǵdarlanǵan qadam.
