Oqıǵa • 16 Qazan, 2025

Oqýshylar 400-ge jýyq bótelke qaqpaǵynan Qazaqstan kartasyn jasady

90 ret

kórsetildi

1 mın

oqý úshin

Astana qalasynyń №55 orta mektebi ekologııalyq mádenıetti dáripteýdiń tyń tásilin usyndy. Mektep ujymy men oqýshylar «Ekoálem» baǵyty aıasynda plastık qaqpaqtardy jınap, olardy qaıta óńdeý arqyly Qazaqstan Respýblıkasynyń kartasyn qurastyrdy, dep habarlaıdy Egemen.kz.

Qyrmyzy JUMAǴALIQYZY

Oqýshylar 400-ge jýyq bótelke qaqpaǵynan Qazaqstan kartasyn jasady

Foto: Astana qalasynyń ákimdigi

Jobaǵa bastamashy bolǵan muǵalim Danar Tólegenova bul ıdeıanyń basty maqsaty – oqýshylardy tabıǵatty aıalaýǵa, turmystyq qaldyqty qaıta paıdalaný daǵdysyna baýlý ekenin aıtady. Onyń sózinshe, joba barysynda 5–11 synyptar arasynda arnaıy baıqaý uıymdastyrylyp, ekologııalyq belsendilik pen uqyptylyqqa baýlýǵa basa nazar aýdarylǵan.

Aksııa nátıjesinde oqýshylar barlyǵy 832 plastık qaqpaq jınaǵan. Sonyń 397 danasy kólemdi kartany jasaýǵa jumsalyp, qalǵan bóligi aldaǵy ekologııalyq jobalarǵa saqtalǵan.

Kartany qurastyrý jumysyna 5–6 synyptyń belsendileri men ata-analar da atsalysyp, birlese áreket etý arqyly ujymdyq jaýapkershiliktiń úlgisin kórsetken.

Bótelke qaqpaqtarynan jasalǵan Qazaqstan kartasy – jas urpaqtyń tabıǵatty qorǵaýǵa degen nıetiniń, shyǵarmashylyq izdenisiniń jáne týǵan jerge degen súıispenshiliginiń kórinisi. Bul joba oqýshylardyń ekologııalyq sanasynyń qalyptasyp kele jatqanyn aıqyn dáleldedi.