Qalalyq Ekologııa basqarmasy mundaı tekseristi Almaty qalasy ákimdigi bekitken is-sharalar josparyna sáıkes turaqty ekologııalyq monıtorıng aıasynda “Eco Almaty” JShS jol polısııasy qyzmetkerlerimen birge júrgizip otyr. Osy arqyly atalǵan mekemeler aýanyń lastanýyn azaıtyp, paıdalanylǵan gazdardyń ýlylyǵyn baǵalap otyrýdy kózdeıdi.
Máselen, 2025 jyly 4-10 qazan aralyǵynda mamandar 224 kólikti teksergen. Onyń 138-i benzın, ıakı gazben júrse, 23-iniń zııandy qaldyqtardyń ruqsat etilgen mólsherinen, 64 dızeldi kóliktiń jartysyna jýyǵy (26) ýyttylyq pen tútin shyǵarý normalarynan asyp ketken.
Turaqty tekserýler lastaný kózderin ýaqtyly anyqtap, ony joıý jónindegi sharalar qabyldaýǵa kómektesedi. Bul qaladaǵy aýa sapasyn jaqsartýǵa yqpal etýi tıis.
Sondaı-aq Almatyda «Atmosferalyq aýany qorǵaý salasynda arnaıy ekologııalyq talaptardy engizý týraly» atmosferalyq aýany qorǵaý qaǵıdalarynyń jobasy ázirlengen bolatyn. Bul erejeniń basty maqsaty – megapolıs aýasynyń lastaný deńgeıin júıeli túrde tómendetý. Ekologııa basqarmasynyń derekterine sáıkes, qaladaǵy barlyq tútinniń 60%-y avtokólikterden, qalǵany jeke turǵyn úı sektory men stasıonarlyq lastaný kózderinen (óndiris oryndary, monshalar, qoǵamdyq tamaqtaný, qurylys nysandary) shyǵady eken.
Joǵarydaǵy Erejeni shyn máninde júzege asyrý ekologııalyq jaǵdaıdy jaqsartyp, ásirese qysqy mezgilde almatylyqtardyń tútinge tunshyqpaı ómir súrýine septesedi.
