Oblystyq din isteri basqarmasynyń uıymdastyrýymen ótken «Oılan, tap!» ıntellektýaldy oıyny sol ıgi isterdiń biri. Saıys úsh kezeńnen turdy. Suraqtar elimizdiń jáne Túrkistan oblysynyń tarıhy, ádebıet, ulttyq salt-dástúrler, din salasyndaǵy zańnamalar jáne sport taqyryptaryn qamtydy. Qatysýshylardyń bilimi men tapqyrlyǵyn kásibı qazylar alqasy baǵalady. Tartysqa toly ótken ıntellektýaldy saıystyń jeńimpazy – Otyrar aýdanynyń qurama komandasy 500 000 teńgeni ıelendi. Júldeli II oryndy Saıram aýdany jáne «Din máselelerin zertteý ortalyǵy» KMM komandalary alsa, úshinshi oryn Ordabasy jáne Tólebı aýdandaryna buıyrdy. Sonymen qatar komandalar arasynda ulttyq naqyshtaǵy kıim úlgilerimen erekshelengen Jetisaı, Saryaǵash, Sozaq aýdandarynyń jáne «Balabı qarı» quran jattaý ortalyǵynyń quramalary «Kórermen kózaıymy» atalymyna qarjylaı syılyqtarǵa ıe boldy.
Júldegerler men jeńimpazdardy marapattaǵan oblys ákiminiń orynbasary Ertaı Altaev ıntellektýaldy saıys qatysýshylardyń zııatkerlik áleýetin arttyryp, shyǵarmashylyq oılaý qabiletin damytyp qana qoımaı, olardyń otansúıgishtik sezimin, ujymdyq rýhyn arttyratynyn atap ótti.
Sondaı-aq Túrkistanda Rýhanı kelisim kúnine oraı dinı konfessııalar arasyndaǵy ózara túsinistik pen dostyqty nyǵaıtý, salamatty ómir saltyn nasıhattaý maqsatynda spartakıada ótti. «Astana» sport keshenindegi saıysqa oblys aýmaǵyndaǵy dinı konfessııa ókilderi jáne din salasyndaǵy mekeme qyzmetkerlerinen quralǵan 8 komanda qatysty. Jarys jeńimpazdaryna arnaıy dıplomdar men syılyqtar tabystaldy.
Túrkistan oblysy
