Ekoaksııaǵa Májilis depýtaty, qaýymdastyq tóraǵasy Sergeı Ponomarev bastaǵan ózge de uıym ókilderi, elordalyq etnomádenı birlestikter men assambleıanyń qoǵamdyq qurylymdary qatysty.
Qatysýshylar «Dostyq» alleıasynda birneshe jas shyrsha otyrǵyzdy.
«Búgingi kezdesýdiń «Dostyq» alleıasynda, Dostyq úıiniń mańynda ótýi óte sımvoldyq mánge ıe. Orys, slavıan jáne kazak uıymdary qaýymdastyǵy Memleket basshysy bastaǵan «Taza Qazaqstan» aksııasyn tolyq qoldaıdy. Búgin biz – túrli etnostar men urpaqtardyń ókilderi osynda birge eńbek etip jatyrmyz. Balalarymyz aldaǵy ýaqytta qoqys tastamaıdy jáne ózgelerge de ondaıǵa jol bermeıdi dep senemin.
Keıbireýler: «Bul bos áýreshilik, báribir lastaı beredi» deıdi. Al men kerisinshe, kópshiliktiń tazalyqqa degen kózqarasy ózgeredi dep senemin. Sondyqtan búgingi eńbegimiz zaıa ketpeıdi», – dedi Sergeı Ponomarev.
