2024 jyly 4 qańtarda altyn kenishinde ishinde adamdar bar avtobýs jer astyna túsip ketken edi. Apat saldarynan tórt qutqarýshy erlikpen qaza tapty. Olar – Aıdos Shaımerden, Oleg Tyshkevıch, Sarqyt Berdihan, Aıyp Tileýbergenov.
– Taýken qutqarýshysy – eń qaýipti ári qurmetti mamandyqtardyń biri. Olar ár saparǵa óz ómirin qaterge tige otyryp, ózgelerdiń ómirin qutqarýǵa attanady. Olardyń erligi máńgi este saqtaýǵa laıyq. Osynaý syn sátinde birge bolyp, qıyndyqty birge eńsergen kent turǵyndaryna sheksiz alǵysymyzdy bildiremiz. Batyrlarymyzdyń erligi bolashaq urpaqqa janqııarlyqtyń úlgisi bolyp qala beredi, – dedi memorıaldyq eskertkishtiń ashylýynda Pavlodar oblysy ákiminiń birinshi orynbasary Serik Batyrǵujınov.
Aıdos Shaımerdenniń jary Nursulý Shaımerden sheıit bolǵan batyrlarymyzdyń rýhyna kórsetilgen qurmet úshin kópshilikke rızashylyǵyn jetkizdi. Jınalǵandar memorıaldyq keshenge gúl shoqtaryn qoıyp, taǵzym etti.
Aıta ketelik, Astana soty qutqarýshylardyń ólimine jumys berýshi tarap kináli dep tanyǵan edi. Keıin kináli tulǵalar retinde alty adam ustaldy. Olardyń isi qazirgi ýaqytta Ekibastuz qalalyq sotynda qaralyp jatyr.
Pavlodar oblysy
