Bıylǵy týrnırge elimizdiń barlyq óńirinen 170 mektep oqýshysy qatysyp otyr. Eki kún boıy olar ózara pikir almasyp, kókeıkesti máseleler tóńireginde oı bólisedi. Talqylanatyn taqyryptar qatarynda — parlamenttik reformalar, sıfrlandyrý úderisteri jáne óńirlerdiń damýy syndy mańyzdy baǵyttar bar. Bul – tek sheshendik saıys emes, bul — bolashaq kóshbasshylardyń shyńdalý alańy.
Respublica partııasy úshin bul týrnır — jastarmen júıeli jumystyń mańyzdy bóligi. Partııa pikirsaıysty azamattyq jaýapkershilikti tárbıeleıtin mektep retinde qarastyrady. Munda tek sóılep qana qoımaı, tyńdaı bilýge, oıdy dálelmen jetkizýge, óz ustanymyńdy ashyq qorǵaýǵa jáne qarsy pikirge qurmetpen qaraýǵa úırenedi.
Fınaldyń basty qararlarynyń biri — parlament reformasyna arnalady. Bul — jastardyń elimizdegi demokratııalyq úderister men saıası júıege degen qyzyǵýshylyǵynyń artyp kele jatqanyn ańǵartady.
«Biz Qazaqstannyń jańa býynyn kórip otyrmyz — bilimdi, batyl, álemge ashyq. Bizdiń maqsatymyz — jastardy jaı ǵana tyńdaý emes, olarǵa ózin kórsetýge naqty múmkindik berý», — dedi Respublica partııasynyń Parlamenttegi fraksııasy men Ortalyq apparatynyń ókilderi.
Týrnır aıasynda qatysýshylar QR Parlamenti Májilisine baryp, zań shyǵarý bıliginiń jumysymen jaqyn tanysty.
Respublica partııasy jastar tek sóıleıtin emes, naqty yqpal ete alatyn alańdardy qalyptastyrýdy jalǵastyrýda.
Kil myqtylardyń ishinde kimniń myqty ekendigi erteń belgili bolady.
