Jobanyń maqsaty – tarıhy tereńge jaıylǵan óner, ejelgi salt-dástúr arqyly túrki halyqtarynyń birligi men rýhanııatyn ulyqtaýǵa baǵyttalǵan túrki mádenıetin dáripteý. Festıval úzdik ónerpazdar tájirıbe almasyp, urpaqtar sabaqtastyǵyn nasıhattaıtyn alańǵa aınaldy. Sonymen qatar, joba jas oryndaýshylardyń kórkemdik talǵamyn tárbıeleýge jáne olardy úzdik mádenı qundylyqtarǵa baýlýǵa baǵyttalǵan.
Konserttik baǵdarlamada kórermen folklorlyq dástúrlermen tyǵyz baılanysty, túrki áleminiń mýzykalyq murasyn jańa qyrynan tanytatyn oryndaýshylardyń ónerin tamashalady. Sondaı-aq, dala áýenderiniń baıyrǵy úlgileri men halyq ánderiniń zamanaýı óńdelgen nusqalary, ulttyq aspaptarǵa arnalǵan týyndylar men oryndaýshylyqtyń tyń formalary usynyldy.
Festıvaldiń alǵashqy kúni Reseı Federasııasynan «Namǵar» toby (Býrıatııa), Zakır Dúıshenbek (Qyrǵyzstan) jáne Jánibek Pııazov (Qaraqalpaqstan), sondaı-aq otandyq «Astana sazy» qazaq memlekettik folklorlyq ansambli, «Joshy» ansambli, «Satzhan Project» toby, Edil Qusaıynov, Qazybek Ádikeı, Amanjol Nyǵmet, Sandjaı Almıshev jáne Aıhat Qazıhan óz ónerlerin ortaǵa saldy.
Festıvaldiń ekinshi kúni Arslanbek Sultanbekov (Túrkııa), «Zafar» toby (Ázerbaıjan), Reseı Federasııasynan Erkın Alekseev (Saha Respýblıkasy) jáne Azat Bıkchýrın (Bashqurtstan), «Qorqyt» etno-folklorlyq ansambli, «Túrkistan» kameralyq ansambli, Edil Qusaıynov jáne Saltanat Ersultan óner kórsetti.
Aıta keteıik osydan eki jyl buryn alǵash ret ótken «Kóshpendiler áýeni» halyqaralyq etnıkalyq mýzyka festıvaline Iаkýtııa, О́zbekstan, Qyrǵyz Respýblıkasy, Túrkııa jáne Majarstan elderiniń ónerpazdary qatysqan bolatyn.
