Foto: Facebook/Irena Aravına
«Qazaq mádenıetiniń kórnekti qaıratkeri, «Parasat» jáne «Otan» ordenderiniń ıegeri, Qazaqstan Respýblıkasy Kompozıtorlar odaǵynyń múshesi, professor Iýrıı Petrovıch Aravın ómirden ozdy. Qaıratker tulǵanyń otbasy men týǵan-týystaryna, shákirtteri men áriptesterine qaıǵyra kóńil aıtamyn», dedi mınıstr.
Aıda Balaevanyń aıtýynsha, Iýrıı Petrovıchtiń esimi halqymyz úshin asa qadirli. Ol qazaqtyń halyq mýzykasyn keńinen nasıhattap, ulttyq mádenıetke zor úles qosqan tulǵa bolǵan.
«Ulttyq mádenıetke bar jan-tánimen berilgen azamat retinde folklorlyq muralardy jınaqtaý maqsatynda kóptegen ǵylymı-shyǵarmashylyq ekspedısııalarǵa bastamashy boldy. Kóptegen kóne mýzykalyq týyndylardy jańǵyrtyp, ǵylymı júıege túsirdi. Qazaq mýzykasyna, halyq kompozıtorlary men aqyndarynyń murasyna arnalǵan birqatar teleradıo baǵdarlamalaryn jasady. Qazaq folkloryna shyn júregimen ǵashyq, talantty mýzykatanýshy retinde halqymyzdyń dástúrli mýzykasynyń baı álemin tyńdarmanǵa jańa qyrynan tanytty», dedi mınıstr.
Sondaı-aq ol Iýrıı Aravınniń tutas bir shyǵarmashylyq býyndy tárbıelegen ulaǵatty ustaz bolǵanyn atap ótti.
«Iýrıı Petrovıch óz ómirin óner men ult mádenıetine arnady. Onyń jarqyn beınesi men rýhanııatymyzǵa sińirgen eńbegi halyq jadynda máńgi saqtalady dep senemin. Marqumnyń jatqan jeri jaıly, topyraǵy torqa bolsyn!», dedi Aıda Balaeva.
