Foto: Qyrmyzy Jumaǵalıqyzy
Úkimettiń baspasóz qyzmetiniń habarlaýynsha, bıylǵy jyldyń sońyna deıin Shyǵys Qazaqstan oblysynyń Rıdder qalasynda kópbeıindi aýrýhana, О́skemende Gematologııa ortalyǵynyń jáne Mańǵystaý oblysynyń Aqtaý qalasynda jedel járdem stansasynyń qurylysyn aıaqtaý josparlanǵan.
Sonymen qatar «Aýylda densaýlyq saqtaýdy jańǵyrtý» ulttyq jobasy aıasynda 601 medısınalyq-sanıtarııalyq alǵashqy kómek nysany boı kóterdi. Jyl sońyna deıin taǵy 54 jańa nysannyń qurylysy aıaqtalmaq.
«Sonymen qatar 32 aýdandyq aýrýhanany kópbeıindi ortalyq aýdandyq aýrýhana deńgeıine deıin jańǵyrtý jumystary jalǵasýda. Sonyń ishinde Ulttyq joba bastalǵaly Qaraǵandy oblysynyń Temirtaý jáne Balqash qalalaryndaǵy, Ulytaý oblysynyń Jańaarqa aýdanyndaǵy ortalyq aýrýhanalar, Abaı oblysynyń Úrjar aýdandyq ortalyq aýrýhanasy, sondaı-aq Jambyl oblysyndaǵy Shý, Merki jáne Talas aýdandyq ortalyq aýrýhanalary men Mańǵystaý oblysyndaǵy Beıneý aýdandyq ortalyq aýrýhanasy – barlyǵy segiz aýrýhana kópbeıindi etip qaıta uıymdastyryldy», delingen habarlamada.
Aıta keteıik, qańtar-qazan aılary aralyǵynda densaýlyq saqtaý salasyna salynǵan ınvestısııa kólemi de aıtarlyqtaı bolǵan. Negizgi kapıtalǵa baǵyttalǵan qarajat 214,8 mlrd teńgeni qurap, jospardyń 89 paıyzyn quraǵan.
