Asqar Jambakınniń aıtýynsha, 5G Kazakhstan ulttyq jobasy aıasynda Kcell kompanııasy 2023-2025 jyldar aralyǵynda 5G jelisin jyldam salyp, atalmysh tehnologııanyń kúndelikti ómirge enýin qamtamasyz etti. Nátıjesinde 2 242 dana bazalyq stansııasyn ornatyldy. Jobaǵa 300 mıllıard teńgeden astam ınvestısııa salynǵan. Bul Qazaqstanǵa mobıldi ınternet jyldamdyǵynyń álemdik reıtıngtegi ornyn segiz satyǵa kótergen faktorlardyń biri bolyp, 49-orynǵa shyǵýǵa múmkindik berdi.
Búginde Kcell jelisinde tirkelgen qurylǵylardyń jartysynan astamy 5G-di qoldaıdy. Abonentterdiń 40% derlik 5G jyldamdyǵyn paıdalanady. Bul zamanaýı sıfrlyq qyzmetterge suranystyń turaqty ósýin kórsetedi.
Kcell 2026 jyly 567 bazalyq stansııany paıdalanýǵa berýdi josparlap otyr, bul – kompanııanyń sıfrlandyrýdaǵy kóshbasshy ornyn nyǵaıtady jáne aımaqtyq qamtýdy keńeıtedi.
Kcell úshin taǵy bir damý baǵyty - Private 5G korporatıvtik sheshimderi – orta jáne iri kásiporyndar úshin qaýipsiz jeliler boldy. Olar geolokasııany, beınebaqylaý men saraptamany, qashyqtan baqylaý júrgizýdi, push-to-talk baılanysyn jáne ushqyshsyz tehnıkany basqarýdy qamtamasyz etip, ekonomıkanyń mańyzdy sektorlarynyń sıfrlyq transformasııasynyń tehnologııalyq negizin qurady.
«5G jáne Private 5G tehnologııalary sıfrlyq ekonomıkanyń irgetasyna aınalyp keledi. Biz jańa sheshimder arqyly kásiporyndardyń jumys isteý tásilin qalaı ózgertip, qaýipsizdik pen tıimdilikti arttyryp jatqanyn kórip otyrmyz. Degenmen, 5G áleýetin tolyq ashý úshin uıaly baılanys operatorlary men Úkimettiń júıeli jumysy qajet», dep atap ótti «Ksell» AQ basqarma tóraǵasy Asqar Jambakın.
Búginde Kcell elimizde birinshi bolyp ónerkásiptik nysandarda besinshi býyn tehnologııalaryn is júzinde qoldanylýyn kórsetetin Private 5G jobasyn iske qosyp, ónerkásip jáne taý-ken sektorynda 10 jobany júzege asyrdy.
