Sýretti túsirgen – Valerıı BÝGAEV
Ekologııalyq mádenıetti qalyptastyrý, jaıly orta qurý maqsatynda qolǵa alynǵan «Taza Qazaqstan» jalpyulttyq aksııasy Ertis-Baıan óńirinde sátimen oryndalyp jatyr. Sonyń bir mysaly, Ekibastuzda júzege asyp jatqan kógaldandyrý is-sharalary. Jýyrda vokzal mańyndaǵy gúlzarda 300-den astam qaıyń men balqaraǵaı kósheti otyrǵyzyldy. Buǵan deıin Ekibastuz qalasyndaǵy ónerkásiptik kásiporyndardyń aýmaǵy men kóshelerde 600 túp aǵash egilgen edi. Jaqyn arada qala gúlzarlaryna qosymsha 130 qaraǵaı men terek kóshetin otyrǵyzý josparlanyp otyr. Sonymen qatar sanıtarlyq maqsatta qýraǵan aǵashtardy kesý jumysy jalǵasyp jatyr. Búginde shamamen 5000 túp aǵash kesilip, apatty jaǵdaıdaǵy 250 aǵash joıyldy.
О́ńir basshysy Asaıyn Baıhanov ekologııaǵa qamqorlyq kórsetý bir rettik ǵana is-shara emes, árbir adamnyń kúndelikti ómiriniń bir bólshegine aınalýǵa tıis ekenin atap ótti. «Mundaı aksııa tabıǵatqa degen qamqorlyqtyń aıasynda adamdardy bir arnaǵa biriktiredi. Qalalardy, aýyl-aýdandardy jaıly ári kórikti etý jumystary turaqty túrde jalǵasa beredi», dedi oblys ákimi.
Pavlodar oblysy,
Ekibastuz qalasy
