Sýret: zakon.kz
Búginnen bastap kópten kútken jappaı óndiris tártibine kóshtik. Men «Kia Qazaqstan» zaýytynyń dánekerleý sehyn basqaramyn. Sehtyń jalpy aýdany 14 myń sharshy metr bolady. Munda bir aýysymnyń ishinde 125 dánekerleýshi jumys isteıdi.
Eki aýysymdyq jumys rejiminde jylyna 50 myń shanaq qurastyramyz. Iаǵnı saǵatyna shamamen 16 shanaq jasap shyǵaramyz. Al kásiporyn tolyq óndiristik qýatyna kóshken soń, bul meje 70 myńǵa deıin artady. Sehtaǵy óndiristik jelilerdiń 58%-y avtomattandyrylǵan. 41 dánekerleý roboty jumys istep tur. Jalpy, negizgi jelilerdiń 96%-y avtomatty rejimde jumys isteıdi. Robottar shanaqtyń qańqasy men negizgi súıekterin dánekerleıdi. Qol jumysyn qajet etetin jelilerde bizdiń mamandar shanaqtyń ortalyq, artqy bóligin, aldyńǵy, artqy edenin, sol jaq jáne oń jaq dońǵalaq beldemesi sııaqty qosalqy toraptardy dánekerleıdi. Dánekerleýshilerdiń jumysynan keıin shanaq boıaý sehyna kiredi.
Birinshiden, Qostanaıda «Kia» brendterin jasap shyǵaratyn jańa zaýyttyń ashylýy – jalǵyz osy óńir nemese elimiz úshin ǵana emes, bútindeı Ortalyq Azııa memleketteri men TMD keńistigindegi elder úshin de asa mańyzdy oqıǵa. Iаǵnı bizdiń zaýyt elimizdiń eksporttyq áleýetiniń arta túsýine aıtarlyqtaı yqpal etedi.
Ekinshiden, «Kia Qazaqstan» zaýytynda kóbine jastar jumys isteıdi. Demek, jastarǵa shetelge shyqpaı-aq, osy ózimizdiń kásiporynnyń ishinde júrip avtoónerkásip salasyndaǵy ozyq tehnologııany meńgerip, «aqyldy» jelilerde jumys isteý múmkindigi týyp otyr. Munyń syrtynda, kóptegen jas maman sheteldik ınjenerlerdiń jetekshiligimen arnaıy biliktilik arttyrý kýrstarynda oqyp, bilim alyp, ony tájirıbede kórsetip, ózderiniń osyndaı zamanaýı kásiporynda eńbek etýge laıyqty maman ekenin dáleldedi. Osy arqyly sapaly ári jańa quzyretke ıe jumysshylardyń jańa býyny qalyptasty. Árıne, aldaǵy ýaqytta da bilim-biligimizdi arttyryp, óndiristiń jańa belesterin baǵyndyramyz degen oıdamyn. Úırenerimiz áli de kóp.
Úshinshiden, «Kia» basshylary keleshekte lokalızasııany myqtap qolǵa alýdy josparlap otyr. Kóp keshikpeı «Kia» avtokólikterine qajet bólshekter de ózimizden shyǵa bastaıdy. Bul eki el úshin de tıimdi bolmaq.
Dmıtrıı Parfenov,
«Kia Qazaqstan» zaýyty dánekerleý sehynyń bastyǵy
