Foto: istockphoto
Al 2023 jyly osal sanattaǵy otbasylardy qoldaýǵa baǵyttalǵan Áleýmettik kodeks qabyldanǵan edi. Qujatta kópbalaly jáne tabysy tómen otbasylarǵa arnalǵan naqty áleýmettik qoldaý sharalary, sondaı-aq ana men bala quqyǵyn qorǵaý tetikteri qarastyrylǵan. El ómirindegi mańyzdy kezeńderdiń biri – áıelderdiń quqyǵyn qamtamasyz etý jáne balalardyń qaýipsizdigin kúsheıtý maqsatynda qabyldanǵan zańnamalyq ózgerister. Osy zań aıasynda Qazaqstanda turmystyq zorlyq-zombylyq qylmystyq jaýapkershilikke jatqyzylyp, balalarǵa qatysty kez kelgen zorlyq-zombylyq túrine qatań jaza engizildi.
Otbasy ınstıtýtyn nyǵaıtý jáne kámeletke tolmaǵandardyń qaýipsizdigin qamtamasyz etýge baǵyttalǵan jańa normalar qabyldandy. Osy maqsatta buryn qyzmet etip kelgen Otbasyn qoldaý ortalyqtarynyń jumysy qaıta qurylyp, olardyń qyzmeti biryńǵaı model boıynsha júıelendirildi. Nátıjesinde mundaı ortalyqtardyń sany el boıynsha tórt ese, 33-ten 131-ge deıin artqan.
Mádenıet jáne aqparat mınıstrliginiń málimetinshe, Otbasy men nekeni saqtaý jáne nyǵaıtýǵa arnalǵan 2025-2027 jyldarǵa arnalǵan is-sharalar jospary ázirlenip, bekitilgen. Jospar otbasy ómirine sanaly daıyndyqty arttyrýǵa jáne ajyrasýdyń aldyn alýǵa baǵyttalyp otyr.
Ulttyq statıstıka bıýrosynyń derekterinshe, keıingi bes jylda Qazaqstanda ajyrasý sany 16%-ǵa tómendegen. Eger 2020 jyly tirkelgen ajyrasý sany 48,2 myń bolsa, 2024 jyly bul kórsetkish 40,5 myńǵa deıin azaıǵan. 2024 jyly nekege turýǵa ótinish berýshilerge arnalǵan tegin aldyn ala keńes berý jáne oqytý jobasy iske qosylǵan. Joba Shymkent jáne Astana qalalarynda pılottyq rejımde júzege asyrylǵan.
