Aıbek Serikboluly 1987 jyly 3 maýsym kúni Abaı aýdany, Qundyzdy aýylynda dúnıege kelgen.
Ol Semeı polıtehnıkalyq kolledjin «Zańger» mamandyǵy boıynsha, Semeı memlekettik pedagogıkalyq ınstıtýtyn «Dene shynyqtyrý» mamandyǵy boıynsha, Qazaq ınnovasııalyq gýmanıtarlyq – zań ýnıversıtetin «Zańger» mamandyǵy boıynsha támamdaǵan. Quqyqtaný magıstri (Eýrazııa ulttyq ýnıversıteti).
Eńbek jolyn 2010 jyly «Semeı qalasy boıynsha Shyǵys Qazaqstan oblystyq Olımpıadalyq rezervtegi № 1 balalar – jasóspirimder sport mektebinde» jattyqtyrýshy – oqytýshy bolyp bastaǵan. 2013-2019 jyldary «ShQO DShS jáne Sport basqarmasynyń Buqaralyq sport túrlerinen joǵarǵy sport sheberligi mektebi» KMM aǵa nusqaýshy – ádisker retinde qyzmet atqardy.
2019 jyldan bastap Semeı qalasyndaǵy Kólik kolledjiniń dırektory qyzmetine taǵaıyndaldy.
Sondaı-aq, Qazaq kúresinen QR eńbek sińirgen sport sheberi, «Dzıýdo» boıynsha sport sheberi, «SAMBO» boıynsha sport sheberi. Qazaq kúresinen on dúrkin Qazaqstan chempıony, tórt dúrkin Azııa chempıony, «Álem Kýbogynyń» úsh dúrkin ıegeri, Qazaq kúresinen Álemniń tórt dúrkin chempıony, «Eýrazııa Barysy» halyqaralyq týrnıriniń tórt dúrkin chempıony, «Álem Barysy» halyqaralyq týrnıriniń úsh dúrkin chempıony, «Qazaqstan Barysy» týrnıriniń eki dúrkin chempıony.
Respýblıkalyq saıası keńestiń múshesi, «AMANAT» partııasy Saıası keńesiniń múshesi, VII, VIII shaqyrylǵan Abaı oblystyq máslıhat depýtaty bolǵan.
Birqatar memlekettik nagrada men joǵary dárejeli marapattary bar.
Abaı oblysy
