Reseı Prezıdenti Vladımır Pýtın jedelhatta Qazaqstan áleýmettik-ekonomıkalyq damý jolynda nyq qadam basyp, halyqaralyq arenadaǵy bedelin dáıekti túrde nyǵaıtyp kele jatqanyn atap ótken.
– Reseı-Qazaqstan baılanystarynyń deńgeıi óte joǵary. Elderimiz túrli baǵytta tabysty yntymaqtastyq ornatqan. TMD, Eýrazııalyq ekonomıkalyq odaq, UQShU, ShYU jáne basqa da kópjaqty qurylymdar aıasynda tıimdi qarym-qatynas jasaıdy, – dep jazdy Vladımır Pýtın.
Qytaı Halyq Respýblıkasynyń Tóraǵasy Sı Szınpın Qazaqstan qoǵamynda tatýlyq pen turaqtylyq saltanat quryp, ekonomıka qarqyndy damyp kele jatqanyna, sondaı-aq halyqtyń turmys deńgeıi joǵarylap, eldiń aımaqtaǵy jáne halyqaralyq arenadaǵy pozısııasy nyǵaıa túskenine toqtalǵan.
– Qytaı tarapy Qazaqstanmen saıası yqpaldastyqty odan ári keńeıtýge, ózara qoldaý kórsetip, damý strategııasyn ushtastyrýǵa jáne «Bir beldeý, bir jol» bastamasy aıasyndaǵy joǵary deńgeıli yntymaqtastyqty ilgeriletýge kúsh-jiger jumyldyrýǵa daıyn, – dep jazǵan QHR Tóraǵasy.
Amerıka Qurama Shtattarynyń Prezıdenti Donald Tramp Memleket basshysy Qasym-Jomart Toqaevpen BUU Bas Assambleıasynyń taıaýdaǵy sessııasynda bolǵan áńgimelesýdi yqylaspen atap ótken.
– Amerıka Qurama Shtattary Qazaqstanmen aradaǵy tyǵyz ekonomıkalyq baılanysty jáne qaýipsizdik salasyndaǵy yntymaqtastyqty joǵary baǵalaıdy. Aldaǵy jyldary keńeıtilgen strategııalyq seriktestikti odan ári nyǵaıtýǵa nıetti, – delingen jedelhatta.
Fransııa Prezıdenti Emmanıýel Makron quttyqtaý hatynda Qasym-Jomart Toqaevtyń Fransııaǵa byltyr jasaǵan memlekettik sapary strategııalyq seriktestiktiń jandanýyna yqpal etip, ekijaqty qarym-qatynasty ártaraptandyrýdyń perspektıvti baǵyttaryn aıqyndap bergenine nazar aýdarǵan.
– Fransııa qaýipsizdik jáne aımaqtyq turaqtylyqtyń negizgi máseleleri boıynsha Qazaqstanmen senimdi dıalogqa basa mán beredi. Eki eldi beıbitshilikti saqtaý jáne halyqaralyq quqyqty qurmetteý ustanymy biriktiredi. Biz BUU Jarǵysyn qatań saqtaýǵa úndep, tıimdi kópjaqty yntymaqtastyqqa yqpal etemiz dep úmittenemin, – dedi Fransııa Prezıdenti.
Ulybrıtanııa jáne Soltústik Irlandııa Birikken Koroldiginiń Koroli III Charlz Prezıdent pen Qazaqstan halqyn Respýblıka kúnimen quttyqtap, dostyq qarym-qatynasty odan ári nyǵaıtýǵa senim bildirdi.
Sondaı-aq qos halyqtyń ıgiligi jolynda nátıjeli yntymaqtastyqty damytýdyń mańyzyn atap ótti.
О́zbekstan Prezıdenti Shavkat Mırzııoev quttyqtaýynda Qasym-Jomart Toqaevtyń basshylyǵymen Qazaqstanda sońǵy jyldary ekonomıkany qarqyndy damytý jáne halyqtyń ál-aýqatyn jaqsartý úshin aýqymdy jumys atqarylǵanyna toqtalyp, eldiń halyqaralyq arenadaǵy yqpaly men bedeli udaıy artyp kele jatqanyna nazar aýdarǵan.
Qyrǵyzstan Prezıdenti Sadyr Japarov Qasym-Jomart Toqaevtyń basshylyǵymen Qazaqstan ekonomıkalyq jáne áleýmettik órkendeýde zor tabysqa qol jetkizgenin jazǵan. Sondaı-aq Qyrǵyz eliniń basshysy odaqtastyq qatynastar men strategııalyq seriktestikti odan ári nyǵaıtýǵa múddeli ekenin rastaıdy.
Prezıdent Emomalı Rahmon Qazaqstanmen odaqtastyq baılanystar Tájikstannyń syrtqy saıasatynda mańyzdy baǵyt bolyp qala beretinin jetkizgen.
Túrikmenstan Prezıdenti Serdar Berdimuhamedov dostas eki eldiń tatý kórshilik qarym-qatynasy konstrýktıvti ári strategııalyq sıpatqa ıe ekenin aıtqan. Sonymen qatar Túrikmenstan Halk Maslahatynyń Tóraǵasy Gýrbangýly Berdimuhamedov te óziniń jyly lebizin bildirdi.
Túrkııa Prezıdenti Rejep Taııp Erdoǵan baýyrlas Qazaqstannyń táýelsizdik alǵannan beri damý men órleý jolynda jetken tabysymen maqtanatynyn jetkizgen.
– Jalpy adamı qundylyqtarǵa arqa súıegen qarym-qatynasymyzdyń erekshe sıpatyna kóńilimiz tolady. О́zara yqpaldastyǵymyz ekijaqty deńgeıde de, kópjaqty qurylymdarda, sonyń ishinde Túrki memleketteri uıymynyń aıasynda da qalypty damyp keledi, – dedi ol.
Ázerbaıjan Prezıdenti Ilham Álıev Qazaqstannyń barlyq saladaǵy eleýli jetistikteri, ekonomıkalyq ósimi, halyqaralyq bedeli men azamattarynyń ál-aýqatynyń artýy Prezıdent Qasym-Jomart Toqaev júrgizip jatqan aýqymdy reformalardyń nátıjesi dep sanaıdy.
Sonymen qatar quttyqtaý jedelhattaryn:
Bahreın Koroli Hamad ben Isa Ál Halıfa, Belgııa Koroli Fılıpp, Ispanııa Koroli VI Felıpe, BAÁ Prezıdenti sheıh Muhammed ben Zaıd Ál Nahaıan, BAÁ Vıse-prezıdenti, Premer-mınıstri, Dýbaı Ámirshisi sheıh Muhammed ben Rashıd Ál Maktým, BAÁ Vıse-Prezıdenti, Premer-mınıstrdiń orynbasary, Prezıdent Ákimshiliginiń basshysy sheıh Mansur ben Zaıd Ál Nahaıan, Marokko Koroli VI Muhammed, Oman Sultany Haısam ben Tarıq, Qos kıeniń saqshysy, Saýd Arabııasynyń Koroli Salman ben Ábdelazız Ál Saýd, Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýd, Kanada general-gýbernatory Merı Saımon, Taıland Koroli Maha Vachıralongkorn, Taıland Premer-mınıstri Anýthın Chanvırakýn, Shvesııa Koroli Karl Gýstav, Japonııa Imperatory Narýhıto, Rım Papasy XIV Leo, Germanııa Federatıvtik Respýblıkasynyń Prezıdenti Frank-Valter Shtaınmaıer, Úndistan Prezıdenti Draýpadı Mýrmý, Shrı-Lanka Prezıdenti Anýra Kýmara Dıssanaıaka, Koreıa Respýblıkasynyń Prezıdenti Lı Chje Mıoń, Belarýs Prezıdenti Aleksandr Lýkashenko, Italııa Prezıdenti Serdjo Mattarella, Moldova Prezıdenti Maııa Sandý, Majarstan Prezıdenti Tamash Shýıok, Majarstan Premer-mınıstri Vıktor Orban, Armenııa Premer-mınıstri Nıkol Pashınıan, Armenııa Prezıdenti Vaagn Hachatýrıan, Serbııa Prezıdenti Aleksandr Výchıch, Ýkraına Prezıdenti Vladımır Zelenskıı, Shveısarııa Prezıdenti Karın Keller-Zýtter, Chehııa Prezıdenti Petr Pavel, Slovakııa Prezıdenti Peter Pellegrını, Slovenııa Prezıdenti Natasha Pırs-Mýsar, Irlandııa Prezıdenti Maıkl Hıggıns, Iran Prezıdenti Masýd Pezeshkıan, Mysyr Prezıdenti Ábdel Fattah As-Sısı, Palestına Prezıdenti Mahmud Abbas, Sıngapýr Prezıdenti Tarman Shanmýgaratnam, Malaızııa Premer-mınıstri Anýar Ibragım, Aýstrııa Prezıdenti Aleksandr Van der Bellen, Fınlıandııa Prezıdenti Aleksandr Stýbb, Horvatııa Prezıdenti Zoran Mılanovıch, Horvatııa Premer-mınıstri Andreı Plenkovıch, Bolgarııa Prezıdenti Rýmen Radev, Lıtva Prezıdenti Gıtanas Naýseda, Grýzııa Prezıdenti Mıhaıl Kavelashvılı, Latvııa Prezıdenti Edgars Rınkevıchs, Vetnam Prezıdenti Lyong Kyong, Vetnam Kommýnıstik partııasy Ortalyq komıtetiniń Bas hatshysy To Lam, Efıopııa Prezıdenti Taıe Aske-Selassıe, Pákistan Premer-mınıstri Shahbaz Sharıf, Estonııa Prezıdenti Alar Karıs, Rýmynııa Prezıdenti Nıkýshor Dan, Kýba Prezıdenti Mıgel Dıas-Kanel Bermýdes, BUU Bas hatshysy Antonıý Gýterrısh, Egemendi áskerı Malta Ordeniniń Uly Magıstri Djon Danlap jáne taǵy da basqalary joldady.
Quttyqtaý jedelhattary áli de kelip túsip jatyr.
