О́ńir basshysy quttyqtaý sózinde Memlekettik egemendik týraly deklarasııanyń qabyldanǵanyna 35 jyl tolǵanyn atap ótip, onyń Táýelsiz Qazaqstannyń irgetasyn qalaýdaǵy tarıhı róline toqtaldy. Sondaı-aq sońǵy úsh jyldaǵy óńir jetistikterin eldiń birligi men eńbekqor azamattardyń tabandy eńbeginiń nátıjesi dep baǵalady.
– Memleket basshysy Qasym-Jomart Toqaev aıtqandaı, bul qujat – elimizdiń derbestigin aıqyndaǵan tarıhı qadam. Endigi mindet – beıbitshilik pen birlikti saqtap, jetistikterimizdi eseleý, – dedi oblys ákimi.
Beıbit Isabaev óz sózinde bıylǵy «Jumysshy mamandyqtar jyly» aıasynda «Taldyqorǵan jylý servıs» kásipornynyń slesari Marat Mergenbaevtyń Memleket basshysy qolynan memlekettik marapat alǵanyn da atap ótti.
Nagradalar qatarynda «Qurmet», «Parasat» ordenderi, III dárejeli «Eńbek Dańqy» ordeni, sondaı-aq «Eren eńbegi úshin» jáne «Shapaǵat» medaldary bar. Marapattalǵandar arasynda túrli salanyń ókilderi – kommýnaldyq sharýashylyq, bilim, mádenıet, densaýlyq, kásipkerlik jáne aýyl sharýashylyǵy qyzmetkerleri bar.
Olardyń qatarynda Taldyqorǵan qalasy ákiminiń keńesshisi Vadım Drýzın, Alakól aýdanynyń sharýashylyq basshysy Bolatbek Qapsalamov, «Sarqan jylý» júrgizýshisi Qanapııa Tuqymbekov, Tekeli qalasynyń elektromonteri Aleksandr Vınokýrov, muǵalim Aınagúl Jıenbaeva jáne basqa da eńbek maıtalmandary bar.
Marapat ıeleri óz áserlerin bólisip, Memleket basshysyna jáne oblys basshylyǵyna alǵys aıtty.
Saltanatty jıyn Jetisý oblysynyń óner ujymdary uıymdastyrǵan merekelik konsertpen túıindeldi.
