Altyn baǵasynyń kúrt kóterilýi ınvestorlardyń nazaryn taǵy da osy metalldy óndirýdi ekonomıkanyń basty qozǵaýshy kúshi sanaıtyn elderge aýdartty. JP Morgan sarapshylarynyń dereginshe, Gana, Qazaqstan jáne О́zbekstan sııaqty altyn eksporttaýshy elder álemdik naryqtaǵy qolaıly ahýaldyń naqty paıdasyn kórip otyr.
Sarapshylardyń aıtýynsha, sońǵy qysqa merzimdi quldyraýǵa qaramastan, uzaqmerzimdi trend ósim baǵytyn saqtap tur. Bank boljamyna sáıkes, 2026 jyldyń tórtinshi toqsanynda altynnyń bir ýnsııasynyń quny 5 myń dollardan asýy yqtımal. Mundaı ssenarııde altyn «jaı metall emes, strategııalyq kúsh» sanalatyn elder jańa ekonomıkalyq serpinge ıe bolady.
Qymbat metaldardyń ózge túrleri – platına men kúmis te qymbattap, bul Qazaqstan men Tájikstanǵa qosymsha kiris ákeldi. Qazaqstan úshin bul tek eksporttyq múmkindik emes, sonymen birge qarjy sektoryn turaqtandyrý quraly: el altynmen «aına operasııalaryn» belsendi paıdalanyp, valıýta naryǵynyń ornyqtylyǵyn qamtamasyz etýde.
О́zbekstanda «altyn aǵysy» júrgizilip jatqan reformalarǵa jańa serpin berip otyr. Úkimet qosymsha tabystardy basqarýda saqtyq tanytyp, olardy birden emes, birtindep ekonomıkaǵa baǵyttap, uzaqmerzimdi áserge qol jetkizýdi kózdeıdi.
Ekonomıster qazirgi jaǵdaıdy altyn bolashaqqa senim kepili bolǵan dáýirmen salystyrady. Búginde de qymbat metaldar óńir elderine ulttyq valıýtalardy nyǵaıtyp, rezervterdi kóbeıtip, reformalar júrgizý keńistigin arttyrýǵa múmkindik beretin turaqtylyq tiregine aınalýda.
Álemdik bırjalar altyn baǵasynyń qozǵalysyn demin ishine tarta baqylaı berse, Ortalyq Azııa elderi osy qolaıly úrdisti ornyqty damýǵa aınaldyrý múmkindigine ıe. Geosaıası turaqsyzdyq jaǵdaıynda dál osy «berik altyn» syrtqy táýekelderdi jumsartýdyń eń senimdi tetigine aınalyp otyr.
