Sahnaǵa Ortalyq Azııanyń 11 startaby shyǵyp, óz jobalaryn tanystyrdy. Olardyń qatarynda, Mirai Tech, Paidax, Gro.now, Tryverse, Daryn.online, Rosta, Steppe.ai, AVM.AI, Epsilon3.ai, Yume jáne Macdent bar. Árbir komanda akselerasııa barysynda jetken naqty nátıjelerin kórsetip, aldaǵy ýaqytta halyqaralyq naryqqa shyǵý joldaryn aıtty.
Túsindire keteıik, akselerasııa degenimiz – startaptardy jedel damytýǵa arnalǵan arnaıy baǵdarlama. Ol jas kásipkerlerge bıznes-modeldi jetildirýge, ónimdi naryqqa shyǵarýǵa jáne ınvestorlarmen baılanys ornatýǵa kómektesedi. Ádette akselerasııa barysynda qatysýshylar tájirıbeli mentorlarmen jumys istep, marketıng, qarjylandyrý jáne tehnologııalyq damý boıynsha bilim alady. Nátıjesinde startaptar qysqa merzimde óz jobalaryn aıtarlyqtaı ilgeriletip, ınvestısııa tartýǵa múmkindik alady.
Is-shara aıasynda burynǵy qatysýshylardyń atsalysýymen ótken paneldik sessııa da úlken qyzyǵýshylyq týdyrdy. CTOgram, Biometric Vision, Arlan Biotech, Biny, Epsilon3.ai jáne Steppe.ai syndy aýqymdy startaptardyń ókilderi bıznesti keńeıtý jolyndaǵy tájirıbelerin bólisti.
Silkway Accelerator baǵdarlamasy úsh jyl ishinde Ortalyq Eýrazııadaǵy jetekshi akseleratorlardyń birine aınaldy. Osy ýaqytta baǵdarlamaǵa 1300-ge jýyq ótinim qabyldanyp, 62 startap irikteýden ótip, tolyq akselerasııadan sátti ótti. Baǵdarlama túlekteri jalpy 28 mıllıon dollardan astam ınvestısııa tartyp, olardyń jıyntyq naryqtyq baǵalaýy 500 mıllıon dollardan asty. Jobalar geografııasy Ortalyq Azııa elderinen bólek, Grýzııa, Mońǵolııa jáne Ázerbaıjan naryqtaryn da qamtydy.
Tanymal túlekterdiń qatarynda Citix, Zypl.ai, Arlan Biotech, NB Fit, UvU, ApartX, Biometric, ZebraEye jáne Alaqan syndy startaptar bar.
«Silkway Accelerator – startaptarǵa jahandyq mentorlar men ınvestorlar jelisine jol ashady. Baǵdarlama startaptardyń ónimin damytýǵa jáne jobany masshtabtaýǵa baǵyttalǵan. Altynshy lektiń qatysýshylaryna Astana Hub Ventures tarapynan ınvestısııa alý múmkindigi de qarastyrylǵan», dedi Astana Hub bıznes-baǵdarlamalar keńsesiniń dırektory Erbol Ahmetov.
Aıta keterligi, Qazaqstan – Ortalyq Azııada Google for Startups seriktestigimen akseleratorlyq baǵdarlamany júzege asyryp otyrǵan alǵashqy memleket.
Jalpy, osy Digital Bridge 2025 jasandy ıntellektini ártúrli salalarǵa engizýdiń tıimdi joldary da talqylandy. Medısına, bilim berý, aýylsharýashylyǵy jáne qoǵamdyq qaýipsizdik sııaqty mańyzdy baǵyttardyń ilgerileýine sıfrlyq sheshimder úlken septigin tıgizedi deıdi sarapshylar. Sondyqtan tehno-jıynda birneshe kelissózder de jasaldy.
Máselen, Astana Hub jahandyq startap-ekojúıelerdi zertteýmen aınalysatyn StartupBlink analıtıkalyq platformasymen ózara yntymaqtastyq jóninde memorandýmǵa qol qoıdy. Sonymen qatar, Astana Hub Ortalyq Azııadaǵy úzdik startap-hab mártebesine ıe boldy.
Bul marapat Global Startup Ecosystem Index 2025 jahandyq reıtınginde Qazaqstannyń Ortalyq Azııa elderi arasynda alǵash ret kósh bastaýynyń nátıjesi retinde berildi. Qujat aıasynda taraptar startap-ekojúıeni damytý, tájirıbe almasý, sondaı-aq qazaqstandyq tehnologııalyq kompanııalardy jahandyq deńgeıde ilgeriletý baǵytynda birlesip jumys isteýge kelisti.
Astana Hub bas dırektory Maǵjan Mádıevtiń elimizdegi ınnovasııalyq ekojúıeni qalyptastyrýǵa qosqan jeke úlesi de erekshe atap ótildi.
Sonymen qatar forým aıasynda Astana Hub pen robototehnıka salasyndaǵy álemdik kóshbasshy qytaılyq UNITREE kompanııasy arasynda yntymaqtastyq týraly memorandýmǵa qol qoıyldy.
Qujatqa UNITREE teń quryltaıshysy Chen Lı jáne Astana Hub bas dırektory Maǵjan Mádıev qol qoıdy. Astanada Alem AI jasandy ıntellekt ortalyǵynyń bazasynda arnaıy robototehnıka zerthanasy ashylady. Memorandým jańa bilim berý jáne zertteý bastamalaryn, oqý kýrstaryn ázirleýdi kózdeıdi.
«Jasandy ıntellekt álemdi qalaı ózgertýde jáne qandaı AI-sheshimder qazir qoldanysta?» degen taqyrypty kótergen Digital Bridge 2025 forýmy 400-den astam halyqaralyq jáne otandyq spıkerdi, 100-den asa ınvestor, 200-den astam IT-kompanııa men startapty biriktirdi. Barlyǵy 120-dan astam is-shara ótti. Atap aıtsaq, keynote-baıandamalar jasalyp, paneldik pikirtalas, pıtchıng-sessııalar uıymdastyryldy, jasandy ıntellektiniń memlekettik basqarý, ınvestısııa, bilim berý, medısına, mádenıet, ekotehnologııa, bıometrııa jáne t.b. salalardaǵy qoldanylýy talqylandy.
«Astana Nub» málimetinshe, qazir Qazaqstan «elektrondyq úkimetti» damytý boıynsha álemde 24-shi, onlaın qyzmetter boıynsha 10-shy orynda tur. 20 joǵary oqý ornynda jasandy ıntellekt baǵdarlamalary iske qosylǵan. Shamamen 500 myń adam jasandy ıntellekt negizderi, onyń ishinde AI Qyzmet, AI Sana, Tomorrow school, QazCoders sııaqty baǵdarlamalar boıynsha bilim alyp jatyr.
