Bul kezdesý — buǵan deıin aýdan turǵyndarymen ótken jıynda oblys ákimi bergen ýádeniń jalǵasy. Sol jıynda aımaq basshysy turǵyndardy jumyspen qamtý maqsatynda jumys berýshi kompanııalarmen jeke kezdesý uıymdastyrylatynyn atap ótken bolatyn.
Jıyn barysynda vakansııa usynyp otyrǵan mekeme ókilderi óz kásiporyndaryndaǵy bos jumys oryndary týraly aqparat berip, jyl sońyna deıingi josparlanǵan jumys oryndarynyń sanyn baıandady. Ákim jumyssyz azamattar men jumys berýshiler arasyndaǵy baılanysty nyǵaıtý qajettigin aıtyp, usynylǵan vakansııalardyń tıimdi ári ádil bólinýi mańyzdy ekenin erekshe atap ótti.
«Bul — aýdanda osy baǵytta uıymdastyrylǵan alǵashqy kezdesý. Kelesi jyldan bastap iri kásiporyndar men olarǵa qyzmet kórsetetin merdiger uıymdar bosaǵan jumys oryndary týraly málimetti aýdan ákimdigine turaqty túrde usynýy qajet. Al aýdan ákimdigi turǵyndarmen birge bos oryndardy ashyq ári ádil túrde bólýi tıis», dedi oblys ákimi.
Sondaı-aq kezdesýde azamattar óz saýaldaryn qoıyp, usynystaryn bildirdi.
Aıta keteıik, oblys ákiminiń tapsyrmasyna sáıkes aldaǵy ýaqytta óńir turǵyndaryn jumyspen qamtý maqsatynda ár aýdanda ornalasqan iri óndiristik kásiporyndardyń basshylarymen osyndaı kezdesýler uıymdastyrylatyn bolady.
Mańǵystaý oblysy
