Bilim • 30 Qazan, 2025

Qazaqstanda Úndistannyń IT-krımınalıstıka salasyndaǵy jetekshi ýnıversıtetiniń fılıaly ashylady

130 ret

kórsetildi

1 mın

oqý úshin

Ǵylym jáne joǵary bilim mınıstrligi men Ishki ister mınıstrligi birlesip, Úndistandaǵy sot ǵylymdary ulttyq ýnıversıtetiniń fılıalyn IIM Basqarý akademııasy bazasynda ashý boıynsha jumystardy júrgizip jatyr, dep jazady Egemen.kz.

Dana MYRZAQADIR

Qazaqstanda Úndistannyń IT-krımınalıstıka salasyndaǵy jetekshi ýnıversıtetiniń fılıaly ashylady

Foto: Ǵylym jáne joǵary bilim mınıstrligi

29 qazan kúni oqý ornynyń bazasynda úshjaqty kezdesý ótti. Oǵan Ǵylym jáne joǵary bilim mınıstri Saıasat Nurbek, Ishki ister mınıstriniń orynbasary Aıdar Saıtbekov jáne Úndistan Ulttyq sot ǵylymdary ýnıversıtetiniń ókili Shrı Djadeja qatysty. Kezdesý barysynda Qazaqstanda NFSU fılıalyn qurý máseleleri talqylandy. Fılıal elimizdiń quqyq qorǵaý organdary úshin kıberqaýipsizdik, sıfrlyq krımınalıstıka, sot saraptamasy jáne qoldanbaly qylmystyq tergeý salalarynda joǵary bilikti mamandar daıyndaýǵa úles qosady.

Kezdesý qorytyndysynda NFSU fılıalynyń IIM Akademııasy bazasynda ashylýy jáne qos dıplomdyq bilim baǵdarlamalarynyń iske qosylýy jóninde kelisimge qol qoıyldy.

Taraptar arasyndaǵy kelisimder negizinde kadr daıarlaý, sondaı-aq birlesken ǵylymı jáne quqyqtyq zertteýlerdi damytýǵa erekshe kóńil bólinedi.