Jańa úı Balpyq bı aýylynda boı kóterip, onyń kiltteri 15 dárigerge, 4 muǵalimge jáne bir polıseıge tabystaldy. Sońǵy úsh jylda aýdanǵa 55 dáriger kelgen, olardyń barlyǵyna jaǵdaı jasalyp, 10 mıllıon teńge kóleminde kóterme járdemaqy berilýde.
О́ńir basshysy Beıbit Isabaev jumys sapary barysynda jańa úıdi aralap, abattandyrý men ınfraqurylym jumystarynyń sapasyna nazar aýdardy.
– Aýdanǵa kelgen mamandarǵa qolaıly jaǵdaı jasaý – eń basty mindet. Bul úı dárigerler men muǵalimderge arnalǵan alǵashqy qadam ǵana. Bolashaqta osyndaı birneshe kópqabatty turǵyn úı salý josparlanyp otyr, – dedi oblys ákimi.
Qonystanýshylardyń arasynda nevropatolog Nurgúl Býharova, polıseı Elaman Dáýletov jáne muǵalim Móldir Jeńis bar. Olar jańa páterge ıe bolyp, memleket qamqorlyǵyna rızashylyqtaryn bildirdi.
Qurylys bıyl sáýir aıynda bastalyp, nebári birneshe aıda tolyq aıaqtalǵan. Úıdiń aınalasy abattandyrylyp, ınjenerlik jeliler tartylǵan.
Jalpy 2022–2024 jyldary Kóksý aýdanynda 175 úı paıdalanýǵa berilse, bıyl taǵy 110 otbasy jańa baspanaǵa qol jetkizdi. Bul aýdan boıynsha turǵyn úı kezegin 5,8 paıyzǵa qysqartýǵa múmkindik bermek.
