Onyń aıtýynsha, aldaǵy maýsymda Qazaqstan chempıonatynda legıonerlerge arnalǵan jańa lımıt engiziledi. Ereje boıynsha komandanyń ótiniminde sheteldik oıynshylar sany onnan aspaýy tıis.
«Joao Paýlodan bólek Elder Santana da ketedi. Legıonerlerge qoıylatyn talaptardyń kúsheıýine baılanysty taǵy eki sheteldik fýtbolshymen de qoshtasamyz. Biraq quramǵa úsh jańa oıynshy qosylady», – dedi Qaırat Sovetaevıch Nursultan Qurmanǵa bergen suhbatynda.
Aıta keteıik, buǵan deıin «Qaırat» resmı túrde Joao Paýlomen kelisimsharttyń toqtatylǵanyn habarlaǵan bolatyn. Qazirgi tańda almatylyq klýb Ofrı Arad, Egor Sorokın jáne Georgı Zarııamen de kelisimshartty uzartqan joq, olardyń kelisim merzimi jyl sońynda aıaqtalady.
Eske sala keteıik, «Qaırat» bıyl Qazaqstan chempıony ataǵyn qorǵap qaldy jáne kelesi maýsymda taǵy da Chempıondar lıgasynda oınaıdy.
