Foto: Ashyq derekkóz
«Qazan aıynda Ulttyq qordan 660 mln AQSh dollaryna valıýta satyldy. Bul respýblıkalyq bıýdjetke transfertter bólýdi, sondaı-aq «Taldyqorǵan-Úsharal» magıstraldyq gaz qubyryn salý boıynsha ınfraqurylymdyq jobany qarjylandyrýdy qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 11%-yn nemese kúnine shamamen 30 mln AQSh dollaryn qurady», delingen habarlamada.
Ulttyq Bank qarasha aıynda da Ulttyq qordan 600–700 mln AQSh dollaryna deıin valıýta satýdy josparlap otyr. Bul rette retteýshi organ naryqtyq beıtarap qaǵıdatyn ustanyp, shetel valıýtasyn birkelki jáne boljamdy túrde satýdy jalǵastyrady.
«Qazan aıynda Ulttyq Bank valıýtalyq ıntervensııa júrgizgen joq», delingen resmı habarlamada.
Kvazımemlekettik sektor sýbektileri ótken aıda shamamen 279 mln AQSh dollaryn satqan. Al Biryńǵaı jınaqtaýshy zeınetaqy qorynyń valıýtalyq aktıvteriniń úlesi josparǵa sáıkes 40% deńgeıinde saqtalǵandyqtan, zeınetaqy aktıvteri esebinen valıýta satyp alý júzege asyrylmady jáne qarashada da josparlanbaıdy.
