Kompanııanyń aımaqtyq fılıalyn ashyp, paıda tabýdy kózdegen T.Teńelbaeva atalmysh kompanııanyń qyzmetimen tolyq tanysyp, «Telegram» jelisindegi «Remo 888» akkaýnty arqyly baılanys ornatqan. Keıin «HRT» júıesine jańa salymshylardy tirkeý arqyly óz paıdasyn arttyrý josparyn qurǵan. Jańa qatysýshylardy tartqany úshin ol ár salymshydan 15 paıyz kóleminde syıaqy alyp kelgen. Osylaısha, oblys aýmaǵynda qarjy pıramıdasyn uıymdastyryp, jalpy kólemi 33 004 300 teńge materıaldyq shyǵyn keltirgeni anyqtaldy.
Appelıasııalyq sot úkimimen T. Teńelbaeva QK-niń 217-baby 3-bóliginiń 2-tarmaǵymen jáne QK-niń 218-baby 1-bóliginde kózdelgen qylmystardy jasaǵany úshin kináli dep tanylyp, oǵan 6 jyl merzimge bas bostandyǵynan aıyrý jazasy taǵaıyndaldy. Biraq QK-niń 74-babynyń 1-bóligi qoldanylyp, aıyptalýshynyń kámeletke tolmaǵan balalarynyń bolýyna baılanysty jazany óteý 5 jyl merzimge keıinge qaldyryldy.
Sonymen qatar, jábirlenýshilerge keltirilgen zalaldy óteý úshin, sottalýshy qylmystyq jolmen satyp alǵan quny 5 604 000 teńgelik «Changan Alsvin» avtokóligi tárkilendi.
