Birinshi sette Shvıontek 3:0 esebimen alǵa shyqqanymen, Rybakına esepti teńestirýge tyrysty, alaıda alǵashqy partııa polıak sportshysynyń paıdasyna 6:3 esebimen aıaqtaldy.
Ekinshi sette Elena óz oıynyn túbegeıli ózgertip, qarsylasyn senimdi basymdyqpen utty — 6:1.
Úshinshi sette Rybakınanyń basymdyǵy tipti aıqyn boldy — 6:0, osylaısha matchty jeńispen aıaqtady.
Oıyn 1 saǵat 39 mınýtqa sozyldy.
Qazaqstandyq sportshy tórt eıs oryndady (Shvıontekte – eki), úsh qos qatelik jiberdi (qarsylasynda – eki) jáne jeti breık-poınttyń beseýin tıimdi paıdalandy (Shvıontek úsh múmkindiktiń bireýin ǵana iske asyrdy).
Elena Rybakına birinshi kezdesýde amerıkalyq Amanda Anısımovany (№4) 6:3, 6:1 esebimen senimdi jeńgen bolatyn. Al Shvıontek óz kezeginde amerıkalyq Medıson Kızdi (№7) 6:1, 6:2 esebimen utqan edi.
Rybakına Serena Ýılıams tobynda óner kórsetip jatyr. Kelesi kezdesý 4 qarashada ótedi — qazaqstandyq tennısshi qaıtadan Medıson Kızben kezdesedi.
Parallel top – Shteffı Graf toby – quramynda Arına Sobolenko (№1), Korı Gaýff (№3), Djessıka Pegýla (№5) jáne Jasmın Paolını (№8) bar.
WTA fınaldyq týrnıri – áıelder tennısindegi maýsymnyń eń bedeldi jarystarynyń biri. 2025 jyly ol jekeleı synda 54-shi, juptyq saıysta 49-shy ret ótkizilip otyr jáne dástúrli túrde tennıs maýsymyn qorytyndylaıdy.
