Atalǵan jarystyń negizgi bóliginde «Qaırat» Kosovonyń «Prıshtınasymen» kúsh synasty. Bul báseke 4:1 esebimen jerlesterimizdiń paıdasyna sheshildi. Almatylyqtardyń sapynan Birjan Orazov dýbl avtory atansa, Kevın Arreta men Atırson bir-bir goldan soqty. Osyǵan deıin jerlesterimiz Horvatııanyń «Novo Vrıemesin» (3:2) utyp, Portýgalııanyń «Sportıngine» (2:7) ese jiberdi. Nátıjesinde alty upaıdy enshilegen «Qaırat» óz tobynda ekinshi oryn aldy.
«Semeı» Chehııanyń «Hrýdımin» (9:5) jeńgenimen, Fransııanyń «Etýali» (3:4) men Ispanııanyń «Palmasyna» (4:7) jol berdi. Toptyq týrnırde úsh upaıdy qanaǵat tutqan jerlesterimiz úshinshi oryndy ıelendi. Desek te, osy nátıjeniń ózi semeılikterge pleı-offqa shyǵý úshin jetkilikti boldy.
