Foto: Úkimettiń baspasóz qyzmeti
Mınıstrdiń dereginshe, bıylǵy vegetasııalyq kezeńniń qorytyndysy boıynsha 1,8 mln tonna mıneraldyq tyńaıtqysh engizildi, bul ǵylymı negizdelgen qajettiliktiń 56 paıyzyn quraıdy. Sondaı-aq elıtalyq tuqymdardyń úlesi 9,5 paıyzdan 11,5 paıyzǵa deıin ósken.
«Erte qarjylandyrý baǵdarlamasy kelesi jyly da jalǵasady. 1 qazannan bastap 2026 jylǵy kóktemgi dala jumystaryna ótinim qabyldaý bastaldy. Qarashanyń ekinshi onkúndiginen bastap sharýalarǵa revolverlik kredıt berý ashylady, bul bir kepildikpen jyl saıyn nesıe alýǵa múmkindik beredi», dedi Aıdarbek saparov.
Onyń aıtýynsha, atalǵan kredıttik tetik aýyl kásipkerleriniń qarjy aınalymyn jeńildetip, maýsymdyq táýekelderdi azaıtady. Sonymen qatar aýyl sharýashylyǵy tehnıkasyn jańartý da júıeli túrde jalǵasyp keledi.
Búginde kólemi 250 mlrd teńgege jetken jeńildetilgen lızıng baǵdarlamasy arqyly tehnıkany jańartý qarqyny 6,5 paıyzǵa deıin ósti. Sonyń nátıjesinde sońǵy eki jylda aýyl sharýashylyǵy tehnıkasynyń tozý deńgeıi 80 paıyzdan 70 paıyzǵa deıin tómendedi.
