Foto: egemen.kz/Qyrmyzy Jumaǵalıqyzy
Úkimet qaýlysynyń tıisti jobasyn Densaýlyq saqtaý mınıstrligi jańa jyldan bastap kúshine enetin jańa Salyq kodeksin iske asyrý aıasynda ázirlegen. Jobada medısınalyq qyzmetter men dárilik zattardyń tizbesin bekitý kózdelgen.
Olardyń ótkizilýi men ımporty QQS-tan bosatylady.
Shara orfandyq jáne áleýmettik máni bar aýrýlardy emdeýge, dıagnostıkalaýǵa, profılaktıkalaýǵa jáne ońaltýǵa qatysty da qoldanylady.
Qaýlyny qabyldaý:
● QQS eskermeı tegin medısınalyq kómektiń kepildendirilgen kólemi (TMKKK) jáne MÁMS sheńberinde medısınalyq qyzmetterdi kórsetýge;
● sırek kezdesetin jáne áleýmettik máni bar aýrýlardy emdeýge arnalǵan dári-dármekterdi qosa alǵanda, dári-dármekterdi salyqtan bosatýǵa;
● dárilik zattardy túpkilikti tutynýshylarǵa ótkizgenge deıin olardy ákelýge QQS boıynsha jeńildik belgileýge oń áser etedi.
QQS-tan bosatý medısınalyq uıymdar úshin qarjylyq júktemeni azaıtýǵa, pasıentter úshin múmkindikterdi keńeıtýge jáne otandyq farmasevtıkalyq kompanııalar úshin qolaıly jaǵdaılar jasaýǵa múmkindik beredi.
Vedomstvo jeńildikter TMKKK, MÁMS tizbesine kirmeıtin nemese ýákiletti organ bekitken orfandyq jáne áleýmettik máni bar aýrýlardy emdeýge enbegen qyzmetter kórsetetin jeke medısınalyq uıymdarǵa qoldanylmaıtynyn eskertip otyr.
Aıta ketetin taǵy bir mańyzdy jaıt jeke sektorda medısınalyq qyzmetter kórsetý, dárilik zattar men medısınalyq buıymdardy ótkizý úshin QQS-tyń tómendetilgen mólsherlemesi 2026 jyldan bastap – 5%, 2027 jyldan bastap 10% bolyp belgilendi.
