Bank • 05 Qarasha, 2025

Endi alaıaqtar rásimdegen nesıeni bankter óz esebinen jabady

50 ret

kórsetildi

2 mın

oqý úshin

Jaǵymdy jańalyqty Májilis depýtaty Muran Ábenov áleýmettik jelidegi paraqshasynda jarııalady. Depýtat buǵan deıin osy máseleni Májilis minberinde birneshe ret kótergen bolatyn, dep jazady Egemen.kz.

Dana MYRZAQADIR

Endi alaıaqtar rásimdegen nesıeni bankter óz esebinen jabady

Foto: istockphoto.com

Ol óz usynystarynyń ishinen tómendegi 5 pýnkt qoldaý tapqanyn jetkizdi:

1) Endi bankter tórt sıfrlyq parol boıynsha nesıe bermeıdi. Bul rásim tek bıometrııa arqyly júzege asady;

2) Bıometrııa durys ótpese krıdıtti bank qaryz tiziminen shyǵarýǵa mindetti;

3) Kez kelgen kredıt 24 saǵat boıy «salqyndatý» merziminen ótedi. Osy ýaqyt aralyǵynda «e-gov» arqyly qajetti tekserý sharasy júrgiziledi;

4) Zeınetkerlerge jáne 21 jasqa tolmaǵan azamattarǵa onlaın kredıt shektelgen;

5) 24 saǵat tekserilmeı kredıt berilse onda qaryzdy bank ózi jabady.

О́z kezeginde Qarjy naryǵyn retteý jáne damytý agenttiginiń tóraǵasy Mádına Ábilqasymova azamattardyń atyna alaıaqtyq jolmen rásimdelgen nesıeler qandaı jaǵdaıda jabylatynyn túsindirdi.

«Eger nesıe klıenttiń ruqsatynsyz berilse jáne ol bıometrııalyq tekserýden ótpese, onda qaryzdy sottan tys tártipte esepten shyǵarýǵa bolady. Bul turǵyda qylmystyq qýdalaý organdaryna ótinim tapsyrý kerek. Olar nesıe alaıaqtyq jolmen berilgen degen qaýly shyǵarady. Osynyń negizinde qaryzdy esepten shyǵarýǵa bolady», dedi Mádına Ábilqasymova.

Agenttik tóraǵasynyń aıtýynsha, keıingi eki jylda bankter jalpy somasy 1,9 mlrd teńge bolatyn 1 500 nesıe boıynsha 1 400 qaryz alýshynyń bereshegin sottan tys esepten shyǵarǵan.

Mádına Ábilqasymova buǵan deıin bıometrııa tártibin aınalyp ótip, jalǵan nesıeler tirkelgenine de nazar aýdardy.

«Mundaı jaǵdaıǵa tap bolǵan azamattar alaıaqtyqty sot arqyly dáleldeý kerek. Osy oraıda sot tártibinde qaryzdy esepten shyǵarý negizderin aıtarlyqtaı keńeıttik. Eger nesıe tolyǵymen klıenttiń kelisiminsiz berilse, ol mindetti túrde sottyń qaraýynsyz esepten shyǵarylýy shart. Tıisti norma bar, ony iske asyrý tártibi Ishki ister mınıstrligimen birlesip bekitildi», dedi Qarjy naryǵyn retteý jáne damytý agenttiginiń tóraǵasy.