О́ńir basshylyǵy oblys ortalyǵynda kreatıvti ortany damytýǵa baǵyttalǵan «О́nerli shahar» jobasyn júzege asyryp jatyr. Joba aıasynda kóshe mýzykanttary, sýretshiler men mobılograftar arasynda baıqaýlar uıymdastyrylyp, birneshe mýral salynǵan. Akademıktiń keskini de ataýly joba aıasynda dúnıege kelip otyr.
«Mural qalanyń ortalyǵynda, akademıktiń esimi berilgen kóshede ornalasqanyn qaladyq. Qanysh Sátbaev – búkil ǵumyryn týǵan halqyna arnap, ulttyq múdde men qoǵamdyq ıgilikti joǵary qoıǵan tulǵa. «Halqym menen de bıik» degen biraýyz sózi ǵulamanyń ómirlik ustanymyn dál beınelese kerek. Otanǵa qyzmet qylý jáne eldiń bolashaǵy úshin aıanbaı eńbek etý dál qazirgi jas býyn úshin berik ustanym bolýǵa tıis», deıdi qala basshysy Hasar Habylbekov.
Muraldy salyp shyqqan – talantty strıt-raıterler Rýslan Qasymov pen Vladımır Zýbko. Olardyń sózinshe, keskinniń negizgi ıdeıasy – ult pen adamzat boryshyn seziný.
PAVLODAR
