Foto: Aýyl sharýashylyǵy mınıstrligi
Bıyl 21 qazanda Astanada Qasym-Jomart Toqaev pen Ilham Álıevtiń kezdesýi ótip, onda Erevan baǵytyna júk tranzıtine qoıylǵan barlyq shekteýlerdiń alynǵany aıtyldy.
Ázerbaıjan men Armenııa arasyndaǵy beıbit kelisimderdi qoldaý maqsatynda Qazaqstan jańa temirjol baǵytymen azyq-túliktik bıdaıdyń pılottyq partııasyn jóneltti.
Búgin 15 vagonnan turatyn poıyz Ázerbaıjan shekarasynan ótti. Birneshe kúnnen keıin otandyq bıdaı Armenııadaǵy Dalarık stansııasyna jetedi.
Bakýge jumys sapary barysynda «Azyq-túlik kelisimshart korporasııasy» AQ basshylyǵy Qazaqstannyń Ázerbaıjandaǵy Elshiligi ókilderimen kezdesti. Taraptar tranzıttik júktiń sátti ótýin jáne ony armıandyq seriktesterine jetkizýdi birlesip baqylap otyr.
«Azyq-túlik kelisimshart korporasııasy» ulttyq kompanııasy» AQ Basqarma tóraǵasy Asylhan Djývashevtiń aıtýynsha, jańa tranzıttik baǵyttyń ashylýy otandyq astyq eksportynyń aýmaǵyn keńeıtýmen qatar, Kavkaz óńiri elderi arasyndaǵy logıstıkalyq baılanystardy damytýǵa jáne saýda-ekonomıkalyq yntymaqtastyqty nyǵaıtýǵa zor yqpal etedi.
