Foto: Kólik mınıstrligi
Kólik mınıstrliginiń málimetinshe, buǵan deıin elde tek GOST 33387-2015 «Jalpy paıdalanymdaǵy avtomobıl joldary. Kóktaıǵaqqa qarsy materıaldar. Tehnıkalyq talaptar» standarty qoldanysta bolǵan eken.
«Alaıda onyń qoldanylý aıasy tek jalpy paıdalanymdaǵy avtomobıl joldarymen shektelip, qalalyq ınfraqurylymnyń, kóshelerdiń, trotýarlardyń, aıaldamalardyń jáne jaıaý júrginshiler ótkelderiniń erekshelikterin eskermegen», dep atap ótti «QazjolǴZI» mamandary.
Sarapshylardyń aıtýynsha, mundaı jaǵdaıda standartty reagentterdi qoldaný jaraqat alý qaýpin arttyryp, jabyndar men abattandyrý elementteriniń buzylýyn jedeldetýi múmkin.
«QazjolǴZI» ázirlegen jańa ulttyq standart qalalyq ortaǵa qaýipsiz kóktaıǵaqqa qarsy materıaldardyń ruqsat etilgen túrlerin, qasıetterin jáne sapa kórsetkishterin aıqyndaıdy. Qujat halyqaralyq tájirıbeler men elimizde jınaqtalǵan qysqy jol kútimi tájirıbesiniń taldaýy negizinde ázirlengen. Bul standartty engizý qys mezgilindegi kóktaıǵaqpen kúres sharalarynyń tıimdiligin arttyrýǵa, qaýipti reagentterdiń qoldanylýyn boldyrmaýǵa múmkindik beredi.
