Foto: QTJ
«Jolaýshylar tasymaly» AQ málimetinshe, vagondar synaq kezinde jalpy uzyndyǵy 10 myń shaqyrymnan astam baǵyttarmen júrip ótti. Marshrýttar Qaraǵandy, Taraz, Shymkent jáne О́skemen qalalaryn qamtydy. Test nátıjeleri vagondardyń tejegish júıeleriniń senimdiligin, klımattyq jabdyqtardyń turaqtylyǵyn jáne ártúrli temperatýralyq rejımderge beıimdelýin rastady.
Synaqtar kezinde syrtta aýa temperatýrasy syrtta -10°C jáne odan da tómen bolǵanyna qaramastan, vagon ishinde +22°C deńgeıinde turaqty saqtalǵan.
Jańa Stadler poıyzdarynyń alǵashqy reısteri 2026 jyldyń qańtar aıynda iske qosylmaq. Olar «Nurly jol – Almaty-2» jáne «Nurly jol – Semeı» baǵyttarynda qatynaıdy.
2025 jyldyń sońyna deıin barlyǵy 51 jańa vagon paıdalanýǵa beriledi. Onyń ishinde 21 kýpe, 21 plaskart, 3 shtabtyq jáne 6 vagon-elektrostansııa bar.
Jolaýshylardyń jaılylyǵy basty nazarda: ár kýpe jeke klımat-baqylaý júıesimen, rozetkalarmen jáne USB-porttarmen, sondaı-aq jolserikti shaqyrý júıesimen jabdyqtalǵan. Kórý qabileti shekteýli jolaýshylar úshin de belgiler qarastyrylǵan.
Vagondardyń konstrýksııasy eldiń ońtústigindegi ystyq klımatqa da, soltústiktegi sýyqqa da tótep berýge arnalǵan. Árbir vagonnyń qyzmet etý merzimi 40 jylǵa deıin, al tehnıkalyq qyzmet kórsetý kezeńi 20 jyl dep belgilengen.
