Ákimshilik polısııa basqarmasynyń basshysy Ashat Qulbaevtyń málimetinshe, jyl basynan beri megapolıste qoǵamdyq kólik qatysqan 460-tan astam jol apaty tirkelgen, sonyń saldarynan 600-den astam adam jaraqat alǵan.
Reıdtik is-sharalar barysynda polıseıler avtobýs júrgizýshileri tarapynan 2 myńnan astam jol qozǵalysy erejesin buzý derekterin anyqtaǵan.
Ashat Qulbaev avtopark basshylaryna júrgizýshilerge kún saıyn nusqaýlyq ótkizý jáne avtobýstardyń tehnıkalyq jaǵdaıyn qatań baqylaýda ustaý qajettigin, ásirese qys maýsymy aldynda erekshe nazar aýdarý kerektigin aıtty.
«Júrgizýshiniń tártibi tek qaýipsizdikke ǵana emes, sonymen qatar qala turǵyndarynyń qoǵamdyq kólikke degen senimine de áser etedi. Sondyqtan avtopark basshylary tarapynan jaýapkershilik pen tártipti kúsheıtý qajet», dedi ol.
