Áńgimeni «Qaırattan» bastaıyq. Aıdy aspanǵa bir-aq shyǵaryp, atalǵan jarystyń negizgi bóligine qatysý quqyǵyna ıe bolǵan almatylyq ujym tórt kezdesýdiń úsheýinde utylyp, bir ret teń tústi. Árıne, ondaı nátıjege kórermenderdiń kóńili tolmady. Degenmen bul «Qaırattyń» qart qurlyqtaǵy eń bedeldi týrnırdegi alǵashqy joryǵy ekenin de esten shyǵarmaý kerek.
Onyń ústine, jalpy kezeń áli aıaqtalǵan joq. Jankúıerler jarqyn jeńisterden úmitti. Tipti, qazirgi nátıjelerdi de fýtbol súıer qaýym aýyr qabyldap jatyr deýge kelmeıdi. Máselen, keshegi «Interge» qarsy ótken oıyn Orazbahtın shákirtteriniń eýropalyq joǵary deńgeıli tartysqa daıyn ekenin de ańǵartty.
Qarajat turǵysynan «Qaırat» biraz oljaǵa keneldi. Tórt týrdan keıin klýb esepshotyna 20,95 mıllıon eýro aýdaryldy. Bul – ÝEFA Chempıondar lıgasynda qatysýshylar arasyndaǵy eń tómengi kórsetkish!
Al oljaǵa molynan kenelgen klýbtar kóshin «Manchester Sıtı» bastap tur. Aǵylshyndardyń tabysy – 70,1 mıllıon eýro.
Ekinshi jáne úshinshi oryndarda – «PSJ» (69,99 mln) men «Bavarııa» (69,04 mln).
О́zge komandalardyń tabysy mynadaı:
«Lıverpýl» – 67,43 mln,
«Real Madrıd» – 66,35 mln,
«Chelsı» – 64,40 mln,
«Arsenal» – 64,06 mln,
«Borýssııa Dortmýnd» – 60,35 mln,
«Inter» – 59,97 mln,
«Barselona» – 59,83 mln,
«Baıer» – 56,25 mln,
«Atletıko» – 55,63 mln,
«Tottenhem» – 55,20 mln,
«Iýventýs» – 47,82 mln,
«Aıntrah» – 47,52 mln,
«Atalanta» – 46,57 mln,
«Marsel» – 45,68 mln,
«Monako» – 45,56 mln,
«Vılıarreal» – 44,94 mln,
«Benfıka» – 42,81 mln,
«Napolı» – 42,71 mln,
«Nıýkasl» – 41,26 mln,
PSV – 39,46 mln.
О́zge klýbtar da táp-táýir tabysqa ıe boldy. «Aıaks» (38,28 mln), «Brıýgge» (37,48 mln), «Sportıng» (35,94 mln), «Olımpıakos» (34,80 mln), «Atletık» (31,90 mln), «Býde-Glımt» (31,10), «Galatasaraı» (31,08 mln), «Kopengagen» (30,95 mln), «Slavııa» (28,74 mln), «Karabah» (28,40 mln), «Iýnıon SJ» (26,43 mln) jáne «Pafos» (24,34 mln) komandalarynyń da qanjyǵasy birshama maılandy.
«Qaırat» kelesi kezdesýin 26 qarashada syrt alańda Danııanyń «Kopengagen» klýbyna qarsy ótkizedi.
