Janýardy eriktiler baıqap qalǵan. Olar dereý Kaspi.kz kompanııasyna habarlasyp, qutqarý jumystaryn uıymdastyrǵan.
«Kaspi qyzmetkerleri dereý áreket etip, mysyqty bosatty. Olarǵa úlken raqmet. Reaksııalary óte jedel boldy», — delingen jazbada.
Janýardy qorǵaýshylar bul oqıǵaǵa qatty alańdaýshylyq bildirip, mundaı áreketterdiń jıilep bara jatqanyn atap ótti.
«Bul — qorap ta emes, zat ta emes. Bul – tiri jaratylys, ol tynystaıdy, qorqady, ne bolyp jatqanyn túsinbeıdi. Mundaı áreket — qatygezdik ári qaýipti. Bul qaıǵyly jaǵdaıǵa ulasýy múmkin», — deıdi eriktiler.
Olar turǵyndarǵa janýarlarǵa meıirimmen qaraýǵa jáne jaýapkershilikti sezinýge shaqyrdy.
Ekibastuzdaǵy janýar qorǵaýshylary bul oqıǵa boıynsha beınebaqylaý jazbalaryn tekserýdi jáne kináli tulǵalardy anyqtaýdy surady.
Quqyq qorǵaýshylardyń aıtýynsha, janýarǵa qatygezdik kórsetý QR Qylmystyq kodeksiniń 316-babyna (janýarlarǵa qatygezdik jasaý) sáıkes jazalanady.
