2022 jyly atalǵan kásiporynnyń laýazymdy tulǵalary keden organdaryna jalǵan málimetter usynyp, quny 254 mıllıon teńge bolatyn jalpy salmaǵy 75 tonnadan asatyn kók serke etin Eýropalyq odaq elderine zańsyz eksporttaǵan.
Balyq ónimderiniń zańdy shyǵý tegin kórsetý maqsatynda kásiporyn shyn máninde balyq ósirý nemese ustaý jaǵdaılary bolmaǵan ózimen baılanysy bar tulǵalar men sharýashylyqtardan balyq satyp alynǵany jóninde jalǵan qujattar resimdegen.
Tekserý barysynda bul sharýashylyqtardaǵy sý aıdyndarynyń tolyqtaı keýip qalǵany, al qujattarda kórsetilgen júk kólikteriniń tasymaldaý qyzmetin is júzinde atqarmaǵany jáne tońazytqysh jabdyqtarmen qamtamasyz etilmegeni anyqtalǵan.
Sonymen qatar, tergeý barysynda jalǵan shot-faktýralar jazylǵany jáne balyq ónimderin tasymaldaýǵa zańsyz veterınarlyq anyqtamalar berilgeni dáleldenip otyr.
Sot úkimimen kásiporynnyń quryltaıshysy A.Erhatov jáne dırektory L.Qaıypnazarova kináli dep tanylyp, 2 jyl merzimge bas bostandyǵyn shekteý jazasyna kesildi.
Memleket paıdasyna 254 mln teńge kólemindegi zańsyz tabys óndirilip alynyp otyr.
Sot úkimi zańdy kúshine engen joq.
