Arshaly aýdany ákimdiginiń málimetinshe, jeke turǵyn úıde qosymsha ornatylǵan kotelnaıa bólmesinde shamamen 10 sharshy metr aýmaqta jylý qazandyǵy jarylǵan. О́rt shyqpaǵanymen, qabyrǵanyń bir bóligi ishinara qulaǵan.
«Oqıǵa saldarynan 1974 jyly týǵan azamat zardap shekti. Ol Astanadaǵy №1 kópsalaly oblystyq aýrýhanaǵa jetkizildi. Naýqasqa medısınalyq kómek kórsetilip, jabyq bas-mı jaraqaty dıagnozy qoıyldy. Tekserýden keıin naýqas ambýlatorııalyq emdelýge jiberildi. Sonymen qatar Jıbek Joly aýylynda «QazArt» JShS-de de jylý qazandyǵy jaryldy. Bul oqıǵada eshkim zardap shekken joq. Oqıǵa ornyna Arshaly aýdany Tótenshe jaǵdaılar bólimi men Jıbek Joly aýylynyń avarııalyq brıgadasy dereý shyqty», dep habarlady ákimdiktiń baspasóz qyzmeti.
Qazirgi ýaqytta oqıǵanyń sebebin anyqtaý úshin tergeý jáne operasııalyq is-sharalar júrgizilip jatyr. Oqıǵa ornynda TJ bóliminiń qyzmetkerleri men polısııa jumys istep jatyr.
Jaǵdaı atqarýshy organdardyń baqylaýynda.
