Granttyq konkýrsqa qujat ótkizýdiń úshinshi leginde 398 ótinim qabyldanǵan. Komıssııanyń oń sheshimin alǵandar qatarynda 52 jeke kásipker, 47 jumyssyz azamat bar. Jalpy, jyl basynan beri shaharda 432 adam qaıtarymsyz granttyń ıegeri atandy.
Jeńimpazdardyń kópshiligin áleýmettik osal toptyń ókilderi quraıdy. Olar – kópbalaly otbasylar, múgedektigi bar azamattar, erekshe balany tárbıelep otyrǵan ata-analar, asyraýshysynan aırylǵan adamdar jáne ataýly áleýmettik kómek alýshylar. Grant qarjysyna júzege asatyn jobalar qala ekonomıkasyn damytýǵa, qosymsha jumys oryndaryn qurýǵa sep bolmaq. Konkýrsqa qatysý úshin enbek.business.kz portalyna ótinish tastaý kerek. Úmitkerler bıznes-jobalaryn onlaın tirkep, keıin komıssııa aldynda qorǵaıdy.
Jaýapty mamandardyń aıtýynsha, grant azamattardy kásipkerlikke yntalandyrý, jańa jumys oryndaryn ashý, ekonomıkany alǵa jyljytý úshin qajet. Memleketten berilgen qarjy qaıtarymsyz bolǵanymen, onyń maqsatty jumsalýy qatań baqylanady. Eńbek mobıldiligi ortalyǵynda arnaıy monıtorıng toby jumys istep, jobalardyń iske asýyn qadaǵalaıdy. Eger qarjy maqsatsyz jumsalsa, ol memleketke qaıtarylady.
