Jıynnyń kún tártibinde eki eldiń saýda-ekonomıka, kólik-tranzıt, sý-energetıka jáne mádenı-gýmanıtarlyq salalardaǵy yntymaqtastyq máseleleri qarastyryldy. Qazaqstan Prezıdenti qonaqjaılyǵy úshin Prezıdent Shavkat Mırzıeevke rızashylyǵyn bildirip, saparynyń basty maqsaty – qos halyqtyń dostyǵyn nyǵaıtyp, tatý kórshilik baılanystaryn kúsheıtý, sondaı-aq túrli saladaǵy ózara tıimdi yqpaldastyqty damytý ekenin atap ótti. Sondaı-aq Qasym-Jomart Toqaev О́zbekstanda halyqtyń ál-aýqatyn jaqsartýdy kózdeıtin mańyzdy bastamalar qolǵa alynǵanyn aıtyp ótti. «О́zbekstan – biz úshin týystas, aǵaıyn el, tatý kórshi ári senimdi seriktes. Qos el arasyndaǵy dostyqtyń tamyry tereń, halyqtarymyzdyń rýhanı qundylyqtary ortaq deýge bolady. Qazaq-ózbek qarym-qatynasy strategııalyq seriktestik jáne odaqtastyq rýhynda qarqyndy damyp kele jatyr», dedi Qazaqstan Prezıdenti.
Halyqaralyq ahýal aýmaly-tókpeli kezeńde san qyrly yqpaldastyqtyń damý qarqynyn arttyrý qajet ekenin atap ótken Memleket basshysy eki el arasynda jalpy somasy bir jarym mıllıard dollardan (1,7 mlrd dollar) asatyn 78 birlesken joba baryn málim etti. Onyń aıasynda 15 myńnan astam jumys ornyn ashý kózdelgen. «Atalǵan jobalar tolyq iske assa, ekonomıkalyq jáne ınvestısııalyq yqpaldastyǵymyz aıtarlyqtaı kúsheıedi. Búgin biz olardyń bir parasyn iske qosamyz. Qazaqstannyń О́zbekstanǵa salatyn ınvestısııasyn odan ári yntalandyrýǵa nıettimiz. Bul rette ózbek dostarymyzdan ádettegideı qoldaý kútemiz. Qurylysy júrip jatqan «Ortalyq Azııa» halyqaralyq ónerkásip kooperasııasy ortalyǵy ındýstrııalyq qýatymyzdy odan ári arttyrýda mańyzdy ról atqarady», dedi Qasym-Jomart Toqaev.
Sondaı-aq Prezıdent qarapaıym saýdadan góri et, bıdaı, maıly daqyldardy óńdeýdiń tolyq óndiristik tizbesin qalyptastyrýdy, mal sharýashylyǵy men organıkalyq egin sharýashylyǵyn birge damytýdy usyndy. О́zara yntymaqtastyq áleýetin tolyq paıdalanýdy quptaıtynyn jetkizdi. Eń áýeli, saýda-ekonomıka salasyna erekshe mán berý kerektigin atap ótti. «Saýda-sattyqty damytý úshin ósimniń tyń múmkindikterin izdeý, taýarlar nomenklatýrasyn keńeıtý jáne shıkizattyq emes eksportty yntalandyrý sharalaryn qabyldaý qajet. Osy oraıda О́zara taýar aınalymyn arttyrý baǵdarlamasyn sapaly júzege asyrý mańyzdy. Búgin qurylatyn О́ńir basshylary keńesin, sondaı-aq Iskerlik keńes pen «UzKazTrade» birlesken saýda kompanııasy sekildi basqa da ekijaqty mehanızmderdiń jumysynan naqty nátıje kútemiz», dedi Qazaqstan Prezıdenti.
Qasym-Jomart Toqaev jańadan qurylatyn Jumys tobynan barlyq aspektini muqııat zerdelep, ózara tıimdi yntymaqtastyqty jolǵa qoıýǵa qatysty usynys berýdi surady.
TAShKENT
