Deklarasııa QR Memlekettik qyzmet isteri agenttigi men Fransýz Ulttyq memlekettik qyzmet ınstıtýtynyń memlekettik qyzmet júıesin jetildirý, memlekettik qyzmetshilerdiń quzyretterin arttyrý jáne memlekettik saıasat salasynda zamanaýı tásilderdi engizýdi, áriptestik pen tájirıbe almasýdy kózdeıdi.
Yntymaqtastyqtyń negizgi baǵyttaryna:
- Memlekettik saıasat salasyndaǵy memlekettik qyzmetshiler men mamandardyń oqý baǵdarlamalary jáne quzyretterin damytý;
- Birlesken zertteý jobalary, sondaı-aq forýmdar, sımpozıýmdar, konferensııalar jáne saraptamalyq kezdesýler sııaqty ǵylymı jáne saraptamalyq is-sharalardy ótkizý;
- Ozyq tájirıbe men biliktilikti arttyrý baǵdarlamalarymen almasý, onyń ishinde memlekettik qyzmetshilerge arnalǵan taǵylymdamalar kiredi.
Darhan Jazyqbaı Deklarasııanyń áriptestikti nyǵaıtýdaǵy mańyzyn atap ótip, «Qazaqstan Prezıdentiniń ustanymy – adamǵa baǵdarlanǵan jáne servıstik memlekettik qyzmetti qalyptastyrý.
Osy baǵytta biz halyqaralyq yntymaqtastyqty, onyń ishinde fransýz áriptesterimizben dıalogty keńeıtip kelemiz. Bizdiń maqsatymyz – naqty nátıjesin beretin ári memlekettik apparattyń tıimdiligin arttyrýǵa kómektesetin sheshimder engizý», – dedi.
Qol qoıylǵan qujat memlekettik qyzmet salasyndaǵy kásibı yntymaqtastyqty nyǵaıta otyryp, bilim, ádisnama jáne úzdik tájirıbe almasýdyń jańa múmkindikterin ashady dep kútilýde.
