Foto: Ashyq derekkóz
Golovkın 2022 jyly 17 qyrkúıekte Las-Vegasta meksıkalyq Saýl Kanelo Alvaresten jeńilgennen keıin rıngke shyqpady. Degenmen, sol ýaqytta tanymal sportshy resmı túrde mansabyn aıaqtaǵanyn jarııalaǵan joq.
2024 jyldyń 26 aqpanynda Golovkın Qazaqstan Ulttyq Olımpıadalyq komıtetiniń prezıdenti bolyp saılandy, al qyrkúıekte World Boxing-tiń Olımpıadalyq komıssııasynyń tóraǵasy atanyp, bokstyń Olımpıada baǵdarlamasynda qalýyna úlken úles qosty.
43 jastaǵy Golovkın sońǵy jyldary sporttyq qyzmetker retinde jumys istedi. Asia Boxing prezıdenti Pıchaı Chýnhavadjıramen kezdesýde ol Qazaqstanda sońǵy ret jekpe-jekke shyǵý múmkindigin qarastyryp júrgenin aıtqan.
«Men boksty bilemin. Boks – meniń ómirim. Men árqashan barymdy salyp eńbek ettim. Iá, men qazir 43 jastamyn, biraq áli de bokstap júrmin. Múmkin, taǵy bir jekpe-jegimdi Qazaqstanda ótkizermin», dedi Golovkın.
